Аарластығ донор 15,7 муң салковай алар
31.12.2021
Хабарлар
Россияның аарластығ донорларына 2022 чылда пір хати тöлелчеткен ахча сині 15,7 муң салковайға тиңнелер. Аннаңар искірче Хакасияның істеніс паза социальнай арачыланыс министерствозы.
Полған на секундада чир ӱстӱнде аймах частығ кізілер хан урдырарын кирексіпчелер. Ханны паза ағаа кірчеткен ниме-нооны урғаны миллионар кізі чуртазын ал халарға полысча. 2012 чылдаң пасти Россияда хан паза аның ниме-ноозы донорларынаңар федеральнай закон алыл парған, андағ хабазығларның пірсі - “Россияның аарластығ доноры” танығнаң сыйыхтатхан кізілерге чылда пір хати ахча тöлирі кöріл парған.
2021 чылда республиканың социальнай хабазығ органнарынзар чыл сай тöлелчеткен ахчаны аларға 2068 донор айланған. Оларға тиксі 31 миллион азыра салковай тöлел парған. 2022 чылда пу тöлег 4 процентке öскірілче паза 15 713,84 салковайға тиңнелче.
Автор :
Ольга Картина
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде