Аар оңдайнаң ағырчатханнар саны хозылча
18.02.2022
Хабарлар
Хакасияда коронавирус чуғынӌах ағырығ тарапчатханынаң тоғыр кӱрезерiнӌе штабтың теестегi чыылии ирткен.
Халғанӌы суткадағы танығлардаң, республикада коронавирус чуғынӌах ағырығнаң 1022 кiзi ағырыбысхан. Хазыхтанып алғаннарның саны 1917 кiзее тиңнелче. Ибде наа чуғынӌах ағырығдаң имненчеткеннер саны 12201 кiзi. Стационарларда - 1047 пациент, 15 кiзi - ИВЛ- да. Чыл пасталғаннаң коронавирус диагнозтығ 197 республика чуртағӌызы ӱреен, ирткен суткада - 9 кiзi.
Хакасияның хазых хайраллаӌаң министерствозы таниинаң, коронавируснаң ағырыбысханнарның саны ам даа пöзiк синде, ағаа хоза ағырығнаң аар оңдайынаң ағырчатханнар саны хозылча.
Пӱӱнгi кӱнде кислород полызиинаң имненчеткеннернiң саны 324 пациент. Имнег тураларында коронавируснаң ағырчатханнарға тиксi 1336 орған пар, оларның 1047 орғанында кiзi чатча. Мыннаң мындар ковид пöлiктерiнде пациенттерге орғаннар хозары кöрiлче.
Город-аймахтардағы имнег тураларында ковиднең паза ОРВИ-наң ағырчатханнарға ырахтын сыныхтағ кiннерi тоғыстарын узаратчалар.
Iдöк оперштабта 23 февральға чарыдылған митингтi Ағбандағы "Чиңiс паркында" иртiрерге чарадығ пирiлген. Ööнi - Роспотребнадзор чахығларына тудынары.
Штаб араласчылары республика чуртағӌыларына паза аалӌыларға, пос салынмин, санитар- эпидемиология кирексiнiстерiне тудынарға чахааннар.
Автор :
Тимнеен Наталья Тюкпеева
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде