КЭФ’22 ТОҒЫЗЫН ПАСТАПЧА
02.03.2022
Хабарлар
Пӱӱн, 2 мартта, Хызылчарда Сибирьдегі федеральнай университеттің кöп оңдайлығ комплексінде Хызылчардағы экономика форумы (КЭФ’22) тоғызын пастапча.
Пӱӱл форум “Сибирь: таңдағы экономика” сурыға чарыдылған. Форумда экономиканың ööн кöстеглерінің тилізі ӱзӱрілер: экология, “ноған” экономика, Россияда ESG кирексіністерін тузаланғаны паза тиксі Сибирьнің тилізі.
Алынӌа таныхтирға кирек “Кимдегі Сибирь” килкім инвестиция проектін, хайзы пу форумда тöреен паза чуртасха киріліп пастаан. 3 мартта пу проекттің наа инвестиция проекттерінің кöзідии иртер. Ағаа хоза пӱӱл пастағызын на “Кимдегі Сибирь” наука-ӱгредігліг кінінің проекттері кöзіділер паза ученайларны премиянаң таныхтирлар. Пӱӱнгі кӱнде Хакасиядаң пу проектте 11 инвестиция проекті кирілген.
КЭФ’22 программазында ідöк “Поколение 2030” чииттер форумы кöріл парған, ол пӱӱн иртче. Чылдаң чылға чииттер городтарның, ибіркі орыннарның чуртағӌыларға истіг тилізінеңер, алызығлардаңар чоохтасчалар, наа сағыстарынаң ӱлесчелер.
Форумда Хакасиядаң республика пазы Валентин Коновалов, правительство аппарадының, экономика тилізі, ӱгредіг паза наука, аал хонии министерстволарының, Ағбан город устағ-пастааның кізілері араласчалар.
Автор :
Наталья Субракова
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы