Хакасияда азых орыннарда от тамызарға чарадылбинча
02.05.2022
Хабарлар
Специалисттер республика чуртағҷыларын паза республика аалҷыларын сизіндірчелер, тынағ кӱннерiнде паза ӱлӱкӱннерде ӧрттердең тоғыр режимге тудынарға кирек.
Кӧп чон чыылысчатхан культура мероприятиелерінде, пайрамнарда ӧрттердең тоғыр правилоларға тудыныңар - тамкыны чарадылбинчатхан орыннарда тартпаңар, ӱзiрілбеен тамкыны чирзер тастабаңар.
Араға іспеңер. Ізілік туста салбыр тудынғаны сылтаанда удаа ӧрттер сых парча.
Ибде сизіктіг тудыныңар – тоғындырылчатхан электроприборларны хайығда тударға, электропроводканы, песті сыныхтирға, тӧзекте тамкы тартпасха. Палалар соонҷа кӧрерге, олар ӧртнең ойнап усхастанмазыннар.
Чир-чайаанда тынанарға пӧгінчетсіңер, пілерге кирек, Хакасияда ӧрттердең тоғыр режим кирілген. Азых орыннарда от тамызарға, сӧп-сап ӧртирге чарадылбинча.
Закон хоостыра чазыда, чир-чайаанда азый хуруғ отты ӧртирге чарадылбинча.
3 майда, Хара нымырха кӱнінде, сыыраттарзар парзар, анда ӧрттердең тоғыр правилоларға тудыныңар. Кӧйчеткен спичканы паза тамкыны, бутылкаларны тастабаңар. Сыыратты арығлап салған соонаң сӧп-сапты паза азый отты ӧртебеңер, оларны хапсар чыы тартарға паза ӧнетін кӧрілген не орынзар тӧгерге.
Сизіктіг полыңар, позыңарны паза чағыннарыңны, иб-чуртыңарны хайраллаңар! Ӧрт сых парза 101 алай 112 телефонҷа сығдырадыңар.
Автор :
Ирина Макарова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде