Валентин Коновалов губернаторлар рейтингiнде - iкiнӌi орында
05.05.2022
Хабарлар
Öнетiн чаа операциязы апарылчатхан туста национальнай республикаларның пастары паза хазна субъекттерiнiң губернаторлары тӱзiмнiг тоғын полчатханнарын кöзiдерге киректер. Чуртас-экономика тöстее iзестiг паза пик полар ӱчӱн.
Хайди искiрче "Незыгарь" телеграм-канал, iстезiглер хоостыра губернаторларның паза субъекттер пастарының официальнай сайттары, региондағы СМИ-лар тоғызы, регион устағӌыларының социальнай сетьтердегi официальнай страницалары ӱзӱрiге алылғаннар.
Регионнарның пастары тоғыстың ööн кöстеглерiне пу тусха тоғысчы чыылығларны (24,5%), экономикаа хабазарынӌа мероприятиелернi (13,8%), федеральнай тоғазығларны (10,5%) паза регионның муниципальнай пӱдiстерiнӌе чорыхтарны (8,3%) таллааннар. Азых мероприятиелер губернаторларның öткiн тоғызының пiр пизiнӌi чардығы (23,6%) полча.
Iстезiг тузына азых мероприятиелер санынӌа иң не тӱзiмнiг тоғынчатханын 15 субъекттiң пазы кöзiткен. Хакасияның пазы Валентин Коновалов, тiзең, хазна рейтингiнде iкiнӌi орында пол парған. Аны Иркутск облазының губернаторы Игорь Кобзев ле ас парыбысхан.
Автор :
Тимнеен Альберт Толмашов
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде