Ковидтiң теестегi салғағы чуртағӌылар хайди тудынарынаң палғалыстығ
10.05.2022
Хабарлар
Хайди искiрче Хакасияның хазых хайраллаӌаң министерствозы, наа чуғынӌах ағырығ тарапчатханы амғы туста республикада пiр синде тудылча. Прогнозтар хоостыра Россияда коронавирустың теестегi салғағы май-июньда полары сахталча. Аның кӱзi чуртағӌылар хайди тудынарынаң палғалыстығ полар. Чоох парча вакцинациядаңар, ревакцинациядаңар, санитар нормаларына паза правилоларына тудынардаңар, маскалығ чöрердеңер.
Амғы туста чуртағӌыларға вакцина турғызарына республикада ӱс кöрiмнiг вакцина пар. "Спутник Лайт" вакцина саны кöп нимес, федеральнай кiн пу чағында регионнарзар аны ызары сахталбинча. Че "Спутник V" вакцинаның пастағы компонентi толдыразынаң "Спутник Лайтха" килiстiре паза аннаң ревакцинация идерге чарир.
Вакцинация республиканың прай муниципалитеттерiнде иртiрiлче. Имнег учреждениелерiнiң адрестерi, хайда вакцинация иртiрiлче, регионның хазых хайраллаӌаң министерствозының сайтында паза iдöк город-аймахтарның имнег туралары сайттарында пар. Хоза 122 номерӌе (ковид-19 сурығларынӌа пiрге федеральнай линия) пiлiп аларға чарир.
Автор :
Тимнеен Альберт Толмашов
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде