Хакасия пазы парыстарынаңар искiрдi
11.05.2022
Хабарлар
Хакасия пазы Валентин Коновалов 2021 чылдағы пос парыстарынҷа, iдӧк сӧбiрезiнiң парыстарынҷа паза ис-пайынҷа сан пирiс иттi.
Декларация хоостыра Валентин Коновалов 2021 чылда 4 миллион 66 муң 535 салковай 5 ахча тоғынып алған. Ирткен чылда ол iдӧк дача участогында тура пӱдiрерге банкта 1 миллион азыра салковай кредит алған.
Валентин Коноваловтың ис-пайы саны алыспаан, 2020 чылдағы чiли, ол 63,6 квадрат метр улуғ квартираның, 23,2 квадрат метр гаражтың паза ол турчатхан чир участогының, iдӧк iкi сад-ӱӱӌiк участоктарының (619 паза 593 квадрат метрлер) ээзi полча. Транспорт санында – Mazda Familia.
Хакасия пазы кредит алған ахчаа 94,4 квадрат метр улуғ тура пӱдiрiп алған. Ол тура паза чир участогы (593 квадрат метр) республика пазының, ипчiзiнiң паза чазы читкелек палаларының ӱлӱстiг собственнозына санға алылған.
Валентин Коноваловтың ипчiзi 2021 чылда 746 муң 185 салковай 52 ахча тоғынып алған. Ол iдӧк Toyota Wish машинаның ээзi полча. Хакасия пазы Валентин Коноваловтың паза аның сӧбiрезiнiң прай ис-пайы Хакасияда орныхча.
Автор :
Хакасия пазының паза Хакасия правительсвтозының пресс-службазы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде