Россия паза Хыдат садығны алғытчалар
13.05.2022
Хабарлар
Пӱӱл iкi хазна аразындағы ниме-ноо айланызы ӧсче. Эксперттернiң кӧрiзiнең, ол 200 миллиард долларға чидерге айабас. Политика ӱзӱрии кiнiнiң устағҷызы Павел Данилиннiң таниинаң, хазналар 2022 чылның пастағы тӧрт айы аразына iкi саринзар садығны пiлдiрте ӧскiрiбiскеннер.
«Россияның паза Хыдаттың ниме-ноо садии январь-апрель айларда, 51 миллиард долларға идiлiп, 25,9%-ке ӧс парған. Хыдаттаң Россиязар экспорт 11%-ке ӧс парған, Россияның ниме-нооларының импорты, тiзең - 38%-ке. Россия январь-февральда 30 миллиард доллар тоғынып алған. Ол уғаа чахсы кӧзiдiг, пiстiң экономиканың кӱзiнеңер чоохтапча», - эксперттернiң чыылииндағы Данилиннiң чооғын пирче Интерфакс.
Аның таниинаң, Россиядаң Хыдатсар ызылчатхан ниме-нооның 70% пiстiң чир-чайаан ис-пайына килiсче, ол – нефть, газ паза харатас. Ағаа хоза экспортха парча чис, чис рудазы, ағас паза талай ас-тамаа. Хыдат таа кӧп ниме-ноо экспортха ысча: промышленность ниме-ноозын, ӧнетiн тирiг, ойнаҷахтар, ӧдiк, транспорт, кондиционерлер паза компьютерлер.
Мындағ ӧзiс сылтаанда паза кидеркi хатығластар ӱчӱн чыл тоозылғанҷа Россияның паза Хыдаттың аразындағы ниме-ноо садии 200 миллиард долларға кӧрiлген тустаң хай-хай ирте чит парарға айабас тiп салтарлаан Данилин.
Автор :
Наталья Субракова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде