ТИЛІС СИНІН ТӰЗІРБЕСКЕ
01.06.2022
Хабарлар
Кризистең тоғыр штаб. Ӧӧн отрасльларда амғы киректер паза чуртас-экономика киреен чахсыландырары - пу сурығны кӧрібіскеннер кризистең тоғыр штабтың кізілері
Ирткен неделяда республика пазы Валентин Коновалов кризистең тоғыр чыылығны иртірген.
Регионда пос киреенең айғасчатханнарның саны ирткен чылдағызынаң халбинча. Пӱӱн кічіг паза ортын пос киреенең айғасчатханнарның саны 200-ке ӧс парған. Хакасияда пӱӱнгі кӱнге 16800 кічіг паза ортын идінӌек, посха тоғыс таапчатхан 10600 кізі саналча. Оларның саны ӧсчеткені федеральнай паза регион бюджеттерінең хазна хабазии пирілчеткенінең палғалыстығ.
Идінӌектер льготалығ кредит алар хабазығнаң ӧткін тузаланчалар: 111 миллион азыра салковайға кредиттер пиріл парған.
- Пӱӱнгі кӱнде Центробанк ӧӧн ставканы 11% теере тӱзірібізердеңер чарадығ алған. Анзы бизнеске льготалығ кредитті уламох ӧткін тузаланар оңдай пирер, - теен экономика министрі Виктор Богушевич.
Министрнің искіриинең, аннаң пасха, пу чағында промышленность предприятиелеріне наа оборудование садызарына паза кредиттер тӧлиріне гранттар пиріл сығар. Хакасия пазы пос киреенең айғасчатханнар хабазығны тузында алар ӱчӱн, пу сурығ хоостыра чапчаң тоғыныбызарға чахығ пирген.
Национальнай проекттер чуртасха кирілчеткені улуғ хайығда.
- Хакасияда нацпроекттерче объекттер пӱдірии тузынӌа парча. Подрядчиктернің пӱдіріг материаллары пар, - теен республиканың пӱдіріг
паза чурт-коммунальнай хоных министрі Валерий Келин.
Аның таниинаң, пирілчеткен хабазығларның салтары пар. Чурт пӱдірии графиктең асча.
Республиканың транспорт паза чол хонии министрі Дмитрий Василиадинің искіриинең, чол отрасльында киректер чахсы, транспорт системазы пик тоғынча. Нацпроекттерӌе иділген чӧптезіглерні толдырарынӌа подрядчиктер тоғынчалар. Чолӌыларның материаллары читкіӌе. Ирткен чылның пуох тузынаң тиңнестірзе, чоллар тыхтирынӌа тоғыс чапчаң арах толдырылча.
- Подрядчиктердең чалтанмаңар. Анзы пӱдіріглерге дее, чолларны тыхтирына даа теелче. Графикті сайбапчатсалар - чӧптезігні чох идіңер. Сӧӧ тартарға правобыс чоғыл. Прай нимені табырах, чахсы идерге кирек, - айланған профильліг министрлерзер Валентин Коновалов.
Чыылығ тоозылчатханда, регион пазы, кризистең тоғыр штаб кізілерінзер айланып, пӱӱнгі кирек тилир оңдай пирче паза аннаң толдыразынаң тузаланарға кирек тіп таныхтаан:
- Ӧӧн сфераларҷа тиліске сығып алғаннарыбысты кӧрчебіс. Че анзы пісті амыратпасха кирек. Тоғысты олох оңдайнаң толдырарға киректелче. Прай кӧстеглерче сыныхтағны кӱннің иртірерге паза тимде поларға.
Автор :
Хакасия пазыныц паза Хакасия правительствозыныц пресс-службазы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде