ПМЭФ-2022: Хакасия правительствозы паза "1С" компания искiрiглiг технологияларӌа пiрге тоғынардаңар чöптезiг иткеннер
16.06.2022
Хабарлар
Петербургтағы чоннар аразындағы 25-ӌi экономика форумында пiрге тоғынардаңар пастағы чöптезiглернiң пiрсi "1С" компаниянаң идiлген. Пiчiкте Хакасия пазы Валентин Коновалов паза компания директоры Борис Нуралиев хол салғаннар.
Чöптезiг искiрiглiг технологиялар сферазында пiрге тоғынарына кöстелген. Чоох иң пурнада ӱгредiг проекттерiнеңер, хазна устаанзар аналитика сервистерiн кирердеңер, iдöк 1С технологияларынаң тузаланып, кадрларның паза бухгалтерияның тӱзiмнiг тоғызын кöдiрердеңер парча.
- Чöптезiгде алынӌа хайығ ӱгредiг системазын искiрiглiг технологиялар сферазында тилiдерiне салылча, - таныхтаан "1С" компанияның директоры Борис Нуралиев. - Пiс iзенчебiс, пiрге тоғызыбыс Хакасияның ӱгредiг заведениелерiнде 1С кафедраларын тöстирiне ағылар, кӱстiг IТ-специалисттернi тимнирiне оңдайлар азар. Паза саннығ технологияларнаң палғалыстығ профессияларны сабландырарына хабазар.
Хакасия пазы, позы саринаң, экономиканы, социальнай сфераны, муниципальнай паза хазна устаан саннығ технологияларға кирерi республиканы тилiтчең ööн кöстеглернiң пiрсi полча тiп таныхтаан.
- Амғы чуртасты саннығ технологиялар паза сервистер чох оңарарға сидiк, - салтарлар иткен Валентин Коновалов. - Цифровизация социальнай сфераны, экономиканы, экологияны, инфраструктураны тилiдерiне паза чуртағӌыларның чуртас синiн кöдiрерiне хабасча.
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде