ТОҒАЗЫҒЛАР ИРТЕР, ЧӦПТЕЗІГЛЕР ИДІЛЕР
17.06.2022
Хабарлар
ПМЭФ-2022. Хакасияның пазы тоғыс чорығынаң Санкт-Петербургсар парыбысхан
Валентин Коновалов республика делегациязынаң хада Петербургтағы чоннар аразындағы XXV экономика форумының тоғызында араласча. 15 июньда пасталған форум 18 июньға теере иртер.
ПМЭФ-2022 форумның ӧӧн сурии: «Наа тилекей - наа оңдайлар». Тоғыс программазы, тӧрт кӧстеге чарылып, тилекей паза Россия экономикаларына, социальнай, технологическай паза кізі потенциалын тилідер сурығларға чарыдылған. Форумда 65 азыра отрасльдаң 500 артиинаң компания аралазар тіп кӧрілген.
Улуғ Сибирьнің регионнары, пірге экспозиция тимнеп, хазнаның ӧӧн форумының араласчыларын паза аалӌыларын пос чирлеріндегі экономика паза инвестиция оңдайларынаң таныстырарлар.
Форумда Хакасия правительствозы пасха регионнарнаң паза компанияларнаң экономика, туризм, искірігліг технологиялар паза пасха даа сфераларда пірге тоғынардаңар чӧптезіглер идер тіп сахталча. Ідӧк мының алнында иділген чӧптезіглерӌе наа мероприятиелер иртірӌең планнар чарадыға алылар.
Форум тузында регион устағӌызы паза Хакасия правительствозының кізілері презентацияларда паза стратегиялығ сессияларда аралазарлар. Валентин Коновалов ідӧк нинӌе-де тоғазығ иртірер тіп кӧріл парған.
Республика пазы ПМЭФ-тың пленарнай чыылиинда аралазар, хайда Россия президенті Владимир Путин чоох тудар тіп сахталча. Валентин Коновалов Санкт-Петербургта 3 кӱн тоғынар. Хакасиязар регион устағӌызы субботада айланар.
Аның командировказы тузына республика пазының тоғызын толдырчатхан кізее социальнай сурығларӌа орынӌызы Ольга Пономарева турғызылған.
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде