ТУН ПАЙРАМҒА ЭЛЕКТРИЧКАЛЫҒ
17.06.2022
Хабарлар
Субботада, 25 июньда, Тун пайрам республика ӱлӱкӱні иртчеткені хоостыра Хызылчар тимір чолының Ағбандағы регион электропоездтері чӧрізіне алызығлар кирілер.
25 июньда 2022 чылда Ағбан -Писхамӌы - Ағбан электропоезд (6629/6630) 303-ӌі километрде ікі минуталығ тохтағ идер. Ідӧк ол кӱн Ағбандағы тимір чол вокзалынаң сығара Асхыс станциязына теере 6615 № поезд чӧрер. Ағбаннаң 8.50 часта сығар, 303-ӌі километрзер (Хамыстығ - Чартыковскай кизек) 10.34 часта чидер, Асхыссар - 11.04 часта. Иирде 6616 № поезд, Асхыс станциязынаң 20.44 часта сығып, 303-ӌі километрзер 21.04 часта чидер паза Ағбанзар 21.14 часта тибірир.
Оксана КАЙНАКОВА
НАЦПРОЕКТЧЕ -ТИККЕ ӰГРЕДІГ
Хакасияның чуртағҷыларына «Демография» нацпроектче наа алай хоза профессияа тикке ӱгреніп аларға чарир.
Мероприятие пу нацпроекттің «Тоғыс табарға хабазары» федеральнай проектче чуртасха кирілче. Аны хоостыра ӱгрен поларлар санға алылған тоғыс чох улус, 50 частығлар паза аннаң даа улуғлар, пенсияа сығарға чит париған чуртағӌылар, 35 часха читкелек чииттер, тоғыс чох халар оңдайда істенчеткен кізілер. Іди ӱгренер ӱчӱн, сурыныс пічиин «Россияда тоғыс» хазна порталында пірге саннығ платформа пастыра пир саларға кирек. Угредіг программазын паза ӱгредіг организациязын посха таллап аларға чарир. Сурыныс пічии пиріл парған соонаң чонға тоғыс тапчаң кінзер айланарға.
Пу кӱнге республикада 155 сурыныс пічии чарадыл парған, 65 кізі ӱгредіг иртче.
Юлия ШУШАКОВА
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде