Ӧӧн хайығ - экспортха
17.06.2022
Хабарлар
Хакасияның пазы «Сибирское соглашение» Россия субъекттерінің экономикаҷа пірге тоғынарынҷа регионнар аразындағы ассоциацияның Чӧбі чыылииның тоғызында араласхан. Аның ӧӧн сурии «Сибирьдегі экспорт-кӧстегліг хырығ озаринзар парчатхан коридорларны тилідері» комплекстіг инвестиция проектін чарадыға алары полған. Ол 2030 чылға теере Россия экспортындағы Сибирь регионнарының экспорт ӱлӱзін 8,8%-тең 15%-ке теере ӧскірібізерге кирек.
- Проектті чуртасха киргені регион экономиказындағы ӧӧн отрасльларзар инвестиция кирерін тибіредер, СФО субъекттері аразындағы тоғыс палғалыстарын тыыдар, Сибирьнің туризм инфраструктуразын тилідер, - сағыс-кӧрізінең ӱлескен Хакасияның пазы пу чыылығның салтарларынҷа.
Пӱӱн Хакасияда «Енисейская Сибирь» комплекстіг инвестиция проектінзер кирілген 11 инвестпроект чуртасха кирілче. Оларның тиксі паазы 293 миллиард салковай. Проекттерні чуртасха киргені пістің республикада 7,5 муң тоғыс орнын тӧстирге оңдай пирер. «Сибирское соглашениезер» кірчеткен регионнарның тиксі инвестиция портфельінде, тізең, 232 проект 5,57 триллион салковайға.
«Сибирское соглашение» регионнар аразындағы ассоциацияның Чӧбі ідӧк «Азия палалары» чоннар аразындағы 2-ҷі хысхы спорт ойыннарына тимненер сурығны ӱзӱрібіскен. Ол марығлар 2023 чылда Кузбасста иртер тіп кӧріл парған.
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде