19 июньда – Имнег тоғынҷызы кӱні
19.06.2022
Хабарлар
Хазых хайраллирының аарлығ тоғынҷылары паза ветераннары! Хакасия правительствозы паза Ӧӧркі Чӧбі сірерні алғыстапча профессия ӱлӱкӱнінең – Имнег тоғынҷызы кӱнінең!
Имнег кирее – ол алынҷа сфера, аның тузазын паалап таа полбас. Имнегнең чӱрек хығыртии хоостыра айғасчалар – кізілерге полызар ӱчӱн. Республиканың имнег тураларында амғы туста инновациялығ технологиялар паза наа оборудование тузаланылча. Че имнег техниказы хайдағ даа наа ползын, ол имнег тоғынҷыларының узын, ағырығ кізілерге сибер хайиин алыстыр полбас.
Сірернің матыр тоғызыңар сылтаанда коронавирус пандемиязы тӧдір пазын сыххан. Че аннаң кӱрезіг ам даа узарадылча, аннаңар имҷілерге ідӧк тіспен істенерге килісче. Аның ӱчӱн сірерге улуғ алғызыбыс читірчебіс.
Пӱӱн Украинада ӧнетін чаа операциязы иртірілчеткенде, сірер ідӧк пос узын, хайдағ даа туста полызыға килерге тимдезін кӧзітчезер. Сірернің піреезі, чӱрек хығыртиинҷа андар парып, алнындағы хырығларда тоғынча. Гиппократ сӧзіне сын полып, харындас чонның чуртазын ал халарына прай кӱзін пирче, удаа пос чуртазына хорғыс ағылып.
Наа чидіглер, часка паза амыр чуртас алғапчабыс!
В.О.Коновалов, Хакасияның пазы - Хакасияның правительство кнезi
В.Н.Штыгашев, Хакасияның Ööркi Чöп кнезi
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы