ХАКАСИЯДА ФОРУМ ИРТЧЕ
24.06.2022
Хабарлар
Тоғазығ тузында
Тоғазығ. Хакасия пазы «Боевое братство» тиксі Россиядағы ветераннарның халых пірігізі кнезінің орынҷызынаң тоғысчы тоғазығ иртірген
Хакасиязар «Боевое братство-2022» Сибирьдегі федеральнай округтың чааҷы-патриот форумының араласчылары килчелер. Пу танығлығ мероприятие алнында Хакасияның пазы Валентин Коновалов «Боевое братство» тиксі Россиядағы ветераннарның халых пірігізі кнезінің орынҷызы Сергей Перниковнаң паза «Боевое братствоның» региондағы пӧлии устағҷызы Александр Векшиннең тоғасхан.
Тиксі Сибирьдегі форум пістің чирде пастағызын на иртірілче. Форум иң пастап ӧнетін чаа операциязына хабазар пӧгіннең иртче. Регион устағҷызы форум пу туста иртчеткені уғаа кирек полчатханын таныхтаан.
- Форумны Хакас чирінде удурлиры - піске улуғ чеес. Украинада паза тиксі тилекейде пӱӱн полчатхан киректерні санға алза, аны ам иртірчеткенібіс танығлығ. Пістің пастаға хабасханыңар ӱчӱн сірерге, Сергей Николаевич, алғызым читірчем, - айланған Сергей Перниковсар Хакасияның пазы. - Пу мероприятиенің тузазы улуғ, ол турыстығ ирт парарға кирек.
«Боевое братство» тиксі Россиядағы ветераннарның халых пірігізі кнезінің орынҷызы Сергей Перников республика ӱлгӱлеріне паза «Боевое братствоның» региондағы пӧлии устағҷызы Александр Векшинге алғызын читірген.
- Пу проектті чуртасха кирерге оңдай тапханыңар ӱчӱн улуғ алғыс. Губернаторның, правительствоның паза «Боевое братство» пірігістің мындағ, Хакасиядағы осхас, хабазии чох форумны пасха регионнар иртір полбасчыхтар, неке, - теен Сергей Перников. - Ізенчем, ол пӧзік синде ирт парар.
Ідӧк ол Хакасияда чиит улусты чааҷы-патриотизмге ӱгредерінде, тархын хумартхылазын хайраллирында, ветераннарға социальнай хабазығ пирерінде паза пасха даа кӧстеглерде улуғ тоғыс апарылчатханын таныхтаан.
«Боевое братство-2022» Сибирьдегі федеральнай округтың чааҷы-патриот форумы 23 июньда пасталған, ол ӱс кӱн иртер. Аның салтарларында, хайди чоохтап пирген Сергей Перников, «Боевое братство» журналның ӧнетін номері сығарылар. Ідӧк ветераннар пірігізінің федеральнай сайтында дайджест сығар.
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде