Хакасияда национальнай маршрут азылды
08.07.2022
Хабарлар
Пӱӱн республикадағы туризм сферазына танығлығ кӱн. Сойан-Сус ГЭС-та пайрамни "Сибирьдегi каникуллар" национальнай маршрут азылған. Аны хоостыра Хакасияның, Тываның паза Хызылчар крайының аразында чöптезiг идiлдi. Мероприятиеде Россияның туризмӌе федеральнай агентствоның устағӌызы Зарина Догузова араласхан.
Аннаңар социальнай сетьтерде искiрче Хакасия пазы Валентин Коновалов. Валентин Олеговичтiң таниинаң, ӱс регионны пiрiктiрчеткен маршрутты тöстирiнӌе тоғыс чарым артиинаң чыл парған. Проекттi "Дискавери" региондағы туроператор тимнеен. Чоохтирға кирек, национальнай статус аларға сидiк, пӱӱл пicтiң хазнада пис ле маршрутха ол ат пирiлген. Майда ӱс регионӌа чорыхты эксперттер öмезi сыныхтаан. Июньда, тiзең, Санкт-Петербургтағы чоннар аразындағы экономика форумында маршруттың презентациязы ирткен.
"Сибирьдегi каникуллар" маршруттың узуны - 1344 км, ол 8 кӱнге кöрiл парған. Пу чорыхха сығып, туристтер Хакасияның, Тываның паза Хызылчар крайының чапсых орыннарында пол килерлер. Программазар палыхтиры, суғӌа инерi, Сибирьдегi чир-чайааннаң танызары кiрче.
Чöптезiг хоостыра Хакасия хонӌыхтарынаң хада пресс-турлар иртiрер, турист кöзiдiглерде паза ярмаркаларда аралазар.
Автор :
Майя Кильчичакова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде