ӰЛГӰДЕГІЛЕРНІҢ ХАЙИИНДА - ТАШТЫПТАҒЫ ИМНЕГ ТУРАЗЫ
20.07.2022
Хабарлар
Олег АНАНЬЕВСКИЙ, Василий ШУЛБАЕВ, Владимир ШТЫГАШЕВ паза
Алексей ДЬЯЧЕНКО Таштып аймааның ӧӧн имнег туразында
Тоғыс чорығы. Хакасияның хазых хайраллаҷаң министрі Олег Ананьевский тоғыс чорығы тузында Таштып аймааның ӧӧн имнег туразында пол килген
Таштып аймааның ӧӧн имнег туразының тоғызынаң регионның хазых хайраллаӌаң министрі Олег Ананьевскийні таныстырған пу имнег учреждениезінің ӧӧн имӌізі тоғызын толдырчатхан Нина Иптышева. Министрнең хада пу имнег туразында пол килгеннер республиканың Ӧӧркі Чӧбінің кнезі Владимир Штыгашев, ідӧк Ӧӧркі Чӧптің экономика политиказынӌа, промышленностьча, пӱдірігӌе паза транспортча комитет кнезі Василий Шулбаев, Таштып аймаа пазы Алексей Дьяченко.
Пылтыр паза пӱӱл пу имнег туразынзар «Хакас Республикада пастағы имнег полызиин пирчеткен имнег организацияларын нааӌылиры» регион программазынӌа имнег оборудованиезі тиксі 30 млн салковайға алылған. Ол санда - рентген аппарады, ікі портативнай электрокар-диограф, УЗИ аппарады, эндоскоп, тонометр. Пу чағында эндоскоптар дезинфекциязының оборудованиезі читірілер.
Ирткен чылда РУСАЛ компания 21 имнег оборудованиезін аларына 10 млн салковай позытхан. 2021 чылда имнег туразының подразделениелерінде тиксі тыхтағ тоғыстары 7,5 млн салковайға иділген. Тыхтағ тоғыстары «Хакас Республикада пастағы имнег полызиин пирчеткен имнег организацияларын нааӌылиры» регион программазынӌа апарылған. Іди Чоғархы Ибіг аалдағы фельдшер-акушер пунктында (ФАП) кӧзенектер, ізіктер паза тура хыры алыстырылған, Аңчулдағы ФАП-та - кӧзенектер. Аймахтың ӧӧн имнег туразында - ізіктер, кӧзенектер, пӧлчеткен стенелер. Ідӧк анда рентген кабинеді, БАК лабораториянаң піріктірчеткен пӧлік, поликлиниканың ікінӌі хадылындағы санузеллер тыхталғаннар.
«Хакас Республикада хазых хайраллирының тилізі» хазна программазы хоостыра ФАП-тарда ӧрттеңер сағбалаӌаң сигнализация турғызылған, аймахтың ӧӧн имнег туразының поликлиниказында чылығ паза суғ пирӌең система тиксі тыхталған. Тиксі тыхтағ тоғыстары Улуғ Сии паза Улуғ Арбыт ааллардағы ФАП-тарда иділген. Ол-пу тоғыстарға тиксі 3 млн салковай хорадылған. Сағам Таштыптағы моргты тыхтирынӌа тоғыс узарадылча, ағаа 3,5 млн салковай позыдылған.
«Хакасиядағы чуртағӌыларны паза чирлерні хорғыстардаң, ӧрттердең паза чонны суғларда арачылиры» хазна программазынӌа Таштып аймааның имнег туразының стационарында сағбалаӌаң прибор тыхталған. Ол тыхтағ тоғызына 2,5 млн салковай хорадылған. Имнег туразының чирінде асфальт тӧзиріне лимитче 1 млн азыра салковай кӧрілген.
Пӱӱл «Хакас Республикада пастағы имнег полызиин пирчеткен организацияларны нааӌылиры» регион программазынӌа Ибіг паза Мадыр аалларда имнег амбулаториялары пӱдірілер. Наа пӱдіріглерге тиксі 21 млн азыра салковай кӧріл парған.
Пылтыр Таштыптағы имнег туразына наа 6 транспорт алылған - тиксі 33 млн салковайға. Пу чыл 3 наа автомобильні участковай имнег тураларынзар паза имнег амбулаторияларынзар читірердеңер чӧптезіг иділген. Чӧптезігӌе кӧрілген ахча сині - тиксі 4,5 млн салковай.
Хакасиянаң хазых хайраллаӌаң министрі Таштып аймаа устағ-пастаанаң пу имнег туразынзар имӌілерні тоғысха тартардаңар сурығны ӱзӱрген. Ідӧк олар имнег тоғынӌыларына чурт пирердеңер, Арбыт аалда наа ФАП пӱдірер ӱчӱн, Россияның аал хонии министерствозы нандырчатхан «Аалларның тиксі тилізі» хазна программазына кіріп алардаңар сурығларға теелгеннер.
2023 чылда имнег туразы регион проекттерінде, хазых хайраллирын тилідерінӌе, ниме-нооны паза техниканы чахсыландырарынӌа программаларда аннаң андар аралазар.
Автор :
Хакасияның хазых хайраллаҷаң министерствозы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде