Олғаннарға тынанӌаң оңдайлар тöстелче
20.07.2022
Хабарлар
Хакасия пазы Валентин Коновалов Асхыс аймаандағы "Пуланнығ кöл" тынағ лагерьiнде пол килген. Ол Хакасияның паза пасха регионнарның спортсменнерi аразында сабланча. Анда чыл сай олғаннар олаңай кӱресче, стол теннизiнӌе, ниик атлетикаӌа, дзюдоӌа паза даа пасха спорт кöрiмнерiнӌе тренировка иртчелер.
Пӱӱл лагерьде 850-ӌе пала тынанып алар. Ӱр ниместе iкiнӌi сменазы пасталыбысхан, анда 395 кiзi араласча. Ол санда сидiк чуртас оңдайына кiр парған сöбiрелернiң паза ӱгредiгде чахсы кöзiдiмнер читкен палаӌахтар.
2023 чылда лагерьнiң инфраструктуразын нааӌылирын узарадарға, наа спорт площадкаларын пӱдiрерге, кинек спортсменнерге спортнаң айғазар оңдайларны алғыдарға пöгiнчелер.
Хакасия правительствозы чайғы тынағ компаниязының хорадығларын чардыхти öскiрче. Ирткен чылдағызынаң тиңнестiрзе, республика бюджедiнiң ахча синi 45%-ке öс парған. Тиксi Хакасияда чайғы тынағ кӱннерiнде 41 муң азыра пала хазиин тыыдып алары кöрiлче.
Хакасия пазының хабарларын iдöк аның телеграм-каналында хығырарға чарир: https://t.me/konovalov_khakasia19
Автор :
Наталья Тюкпеева
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде