ЧААҶЫЛАРҒА - ХУМАРТХЫ ЧАРДЫЛАР
22.07.2022
Хабарлар
Тоғазығ тузында
Тоғазығ. Хакасия пазы ветераннарның региондағы «Боевое братство» халых пірігізі устағҷыларынаң тоғасхан
Хакасия пазынаң тоғазығда араласханнар тиксі Россиядағы «Боевое братство» пірігістің региондағы пӧлиинің устағӌызы Александр Векшин, пірігістің Ағбандағы пӧлиинің устағӌызы Олег Ихочунин паза Саяногорсктағы пӧліктің устағӌызы Вадим Дорошенко. Олар мыннаң мындар хада-пірге хайдағ тоғыс апарарын ӱзӱргеннер.
«Боевое братство» пірігістің кізілері постарының тоғыстарынаңар чоохтааннар. Іди пірігіс Украинада ӧнетін чаа операциязы иртірілчеткен туста, чааӌы службазын толдырчадып, чуртастарын пир салған чааӌыларны хумартхылир хайдағ тоғыс апарылчатханнаңар искірген. Республика пазы профильнай министерстволарға «Боевое братствонаң» хада чуртастарын пир салған чааӌылар ӱгренген Хакасияның ӱгредіг учреждениелерінде хумартхы чардылар хызарға чахығ пирген. Ол кӧстеглерге республика бюджедінең кирек ахча позыдылар.
Тоғазығ араласчылары ідӧк Сибирьдегі федеральнай округтың «Боевое братство-2022» чаа-патриот форумының салтарларын ӱзӱргеннер. Хайди Валентин Коновалов таныхтаан, андағ пӧзік синніг мероприятиені иртірері Хакасияа улуғ аарлас полды.
- Ол форумны иртірерге тимненісте ӧткін араласхан ӱчӱн сірерге алғыс сӧстерін читірерге сағынчам. Регионның правительствозы паза «Боевое братство» хада-пірге тоғынчатхан сылтаанда ла андағ улуғ мероприятие иртірер оңдай пар полған, - теен Александр Векшин.
Мыннаң мындар патриот тоғызын хада-пірге апарар пӧгіннең Хакасия пазы «Боевое братство» пірігіске, Россия президентіне паза армияа хабазар кӧстегнең, республиканың городтарынӌа паза аалларынӌа автопробег иртірібізер чӧпнең айланған.
- Пістің алныбыста чон аразында патриот тоғызын апараруғаа улуғ пӧгіннер турча. Піс кізілерге чахсы чарыдарға кирекпіс, ӧнетін чаа операциязының пӧгіні - нацизмнең тоғыр кӱрес, хайзы пазох пазын кӧдірче. Аны прай кізілерге читірерге кирек, пастағы теесте - чииттерге. Правительство андағ мероприятие ирғіреріне прай саринаң полызарға тимде, - таныхтаан Валентин Коновалов.
«Боевое братствоның» кізілері регион устағӌызының пастаана чӧпсінгеннер.
- Сірернің чӧбіңерге піс хозылчабыс. Ағбанның паза чағынғы городтарның чуртағҷыларын, пасха даа кӧп кізі чыып аларға прай кӱзібіс саларбыс, - ізендірген «Боевое братство» пірігістің региондағы пӧлиинің устағӌызы Александр Векшин.
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы