Чир-чайаан хумартхыларынзар ахчаа?
25.07.2022
Хабарлар
Хакасияның Халыхтар палатазы республика чуртағҷыларын от айының 26-ҷы кӱнiнде 10.00 часта азых ӱзӱрiглерге хығырча. Кӱн суриина Хакасия правительствозы Ӱӱ тағ, Тастығ арығ паза Иргi суғ чир-чайаан хумартхыларынзар иртчең тӧлег кирердеңер чарадығ проектiнiң ӱзӱрии сығарылча. Тимнелген пiчiк хоостыра алынҷа хайраллалчатхан чир-чайаан орыннарынзар иртерi ӱчӱн тӧлег синi чарадылар.
Пӱӱнгi кӱнде чир-чайаан хумартхыларынзар тикке иртерге чарадылча. Чахығда хол салылған соонаң пу орыннарзар иртер ӱчӱн 100 салковай тӧлирге килiзер. Тӧлегнi Хакасияның алынҷа хайраллалчатхан чир-чайаан орыннарынҷа устағ-пастағ ал турар.
Азых ӱзӱрiг чыылиинда тӧлегнi кемнең аларын ӱзӱрерлер. Пу орыннар орныхчатхан город-аал чуртағҷыларынаң тӧлег алылбас, iдӧк пу тӧлег льготалығ кiзiлерге теелбес. Ӱзӱрiгде Хакасияның Халыхтар палатазының, республика ӱлгӱлерiнiң кiзiлерi паза халыхчылар аралазар.
Азых ӱзӱрiг Халыхтар палатазында пу адресче иртер:
Ағбан г., Щетинкин ор., 18, 413 каб.
Пу телефонҷа пазын саларға чарир: 8 (3902) 22-07-76.
Автор :
Наталья Субракова
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы