Леонид Калашниковнаң тоғазығ иртті
27.07.2022
Хабарлар
Хакасия пазы Валентин Коновалов Хазна Думазының Пос алынӌа хазналар ынархазы, Евразия пірге тудынарының киректерінӌе паза чир-суғӌыларнаң палғалыстарӌа комитет кнезі Леонид Иванович Калашниковнаң тоғасханнаңар искірче.
Олар республикаа теелчеткен чоннар аразындағы хайызығлар сурығларын пöкчең оңдайларны ӱзӱргеннер. Республиканың экономика тилізіне импорт ниме-ноозын хыйа иткені паза Беларусь, Казах паза Хырғыс чирлерінең, ідöк СНГ-ның пасха хазналарынаң хада садығ палғалыстары уғаа киректелчелер.
Комитет Таможня пірігізі паза Пірге экономика ибіркізі пастыра Пос алынӌа хазналар ынархазынӌа пірге тудынарына хабасчаң илееде тоғысты толдырча.
- Россияның, Белоруссияның, Казахстанның, Киргизияның, Арменияның паза СНГ-ның пасха хазналары аразындағы хайызығлар пістің хазнаа паза регионыбысха уғаа кирек, - тіпче Валентин Коновалов.
Олар ідöк Донбассха паза Украинаның олаңай чуртағӌыларына гуманитарнай полызығ чығӌаң чöрімнер иртірерін ӱзӱргеннер. Хакасиядаң 71,4 тонна гуманитарнай полызығ алында ызылған. Пу чағында наа полызығ ызарға тимде полар.
Леонид Иванович, Евразия хазналарынаң хада чоннар аразындағы садығ хайызығларына тöстеніп, республикаа хабасчаң оңдай тілирге молӌаан.
Хакасия пазы Валентин Коноваловтың тоғызынаңар хабарларнаң чапчаң танызарға сағынчатсаңар, аның телеграм-каналына пазыныңар: https://t.me/konovalov_ khakasia19
Автор :
Наталья Субракова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде