Хакас тiлi кӱнi алғым таныхталар
2017 чылда Хакас Республика правительствозының чарадиинаң 4 сентябрьда Хакас тiлi кӱнiн таныхтирдаңар закон алыл парған. Пӱӱл ол позырахха килiсче. Аннаңар ағаа чарыдылған пайрам 2 сентябрьда М.Ю.Лермонтовтың адынаң орыс драма театрында иртер. Анда республиканың устағӌылары, Хакасия чуртағӌыларын алғыстап, хакас тiлiн хайраллирына паза тилiдерiне улуғ хозым итчеткен улусха правительство сыйыхтарын читiрерлер.
Паза чыылысхан чонға С.П.Кадышевтiң адынаң национальнай кiннiң чайаачы öмелерi öнетiн тимнеен концерт кöзiдiлер. Сценаа iдöк Н.Ф.Катановтың адынаң Хакас хазна университедiнiң искусство институдындағы музыка колледжiнiң "Шейк" теелбек öмезi сығар. Пайрамда ус холлығларның чайаан ниме-нооларының, В.М.Торосовтың адынаң Хакас книга издательствозы, Хакасиядағы Чайаачылар туразы чарыхха сығарған учебниктернiң, хоос литератураның кöзiдии чон хайиина сығарыларох. Хакас тiлi кӱнiне чарыдылған ӱлӱкӱн Хакас Республика правительствозы, Хакасияның национальнай паза территориальнай политика, культура, ӱгредiг паза наука министерстволары, Хакасиядағы тiл, литература паза тархын наука-iстезiг институттың, Н.Ф.Катановтың адынаң Хакас хазна университедi хабазиинаң иртiрiлче. Пайрамға кiрерi тикке.
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |