2023 чылда хайди тынанарбыс?
Россияның правительствозы 2023 чылдағы ӱлӱкӱннерде хазна чуртағҷылары хайди тынанарынаңар график сығарыбысхан.
Наа чыл ӱлӱкӱннерi 2022 чылда улуғ хырлас айының 31-ҷi кӱнiнде пасталар. Олар 2023 чылдағы кӱрген айының 8-ҷi кӱнiне теере узарадылар. Хазнаның чуртағҷылары тоғысха понедельникте, кӱрген айының 9-ҷы кӱнiнде, сығарлар. 2023 чылда кӱрген айының 1-ғы паза 8-ҷi кӱннерi позырахха килiс парчалар, аннаңар ол ӱлӱкӱн кӱннерiн азығ айының 24-ҷi кӱнiне (пятница) паза сiлкер айының 8-ҷi кӱнiне (понедельник) чылдырыбызарға чарадығ алылған.
Андағ оңдайнаң 2023 чылда пiди тынанарбыс: азығ айының 23 – 26 кӱннерiнде, кӧрiк айының 8-ҷi кӱнiнде, хосхар айының 29-ҷы кӱнiнең пасти сiлкер айының 1-ғы кӱнiне теере, сiлкер айының 6 – 9 кӱннерiнде, хандых айының 10 – 12 кӱннерiнде, кiчiг хырлас айының 4 – 6 кӱннерiнде.
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |