ӰГРЕДIГ ОЛҒАННАРҒА ӦРIНIС АҒЫЛЗЫН
1 сентябрьда – Пiлiс кӱнi. Пӱӱл Хакасияда 1-ғы классха 8 муң азыра олған парча
ПАСТАҒЫ САҢ IДӦК АҒБАННЫҢ КIЧIГ ЧУРТАҒҶЫЛАРЫ МАТВЕЙ ТЮКПЕЕВКЕ ПАЗА СОФЬЯ САГАЛАКОВАА СЫҢЫРИР.
– Мин школада саннарны хозарға паза аларға ӱгренiп аларға сағынчам. Iдӧк, аймах ӧңнернi аймастырыбысса, хайдағ ӧң пол парарын пiлiп аларға сағынчам, – пӧгiннер турғысча Матвей.
Софья, тiзең, чайаачы оңдайлығ хызыҷах. Ол «Айас» студиязар ӱзiнҷi чылы чӧрер, улуғ cценада пiр ле хати нимес теелбек салған. Амды аның ӧӧн пӧгiнi – школада чахсы ӱгренерi.
Хайди искiрче Хакасияның ӱгредiг паза наука министерствозы, 2022-2023 ӱгредiг чылында республиканың школаларында 75 муң азыра олған парта кистiне одырар. Олох син пала олған садына чӧрер. Ӱгредiг организацияларында 20 муңа чағын кiзi iстенер, оларның чарымызы ӱгретчiлер, воспитательлер паза хоза ӱгредiг пирчеткен организацияларның специалисттерi. Ағаа хоза пу ӱгредiг чылында республиканың школаларында вуз тоосхан кӧп чиит ӱгретчi iстеніс чолын пастир.
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |