Телевидение хабарҷызы Юрий Варивода ах чарыхтаң парыбысты
Ағбанда, 49 чазын апарчадып, РТС телекомпанияның хабарҷызы, хабарларның искiрiглiг службазының шеф-редакторы Юрий Варивода ах чарыхтаң парыбысты.
Юрий телевидениее чарым чуртазын пир салған: пастап ТВ-7 телеканалда iстенген, 2015 чылдаң сығара - республиканың РТС телекомпаниязында. Ол iстенiс чолын олаңай хабарҷыдаң пастап, редакторға теере ӧс парған. Аның устаанынаң эфирге хабарлар ла нимес, че iдӧк кӧрiгҷiлер хаҷанох хын парған программалар сыхханнар.
Юрийнiң ӱнi Хакасияда спортха хынчатхан прай чуртағҷаа таныс: ол ӱр чыллар «Саяны» меспектiг хоккей командазының ойыннарын чонға искiрген. Ол хада тоғынған арғыстарының паза кӧрiгҷiлернiң алнында хаҷанға даа ачых-чарых, чалахай кiзi тiп халар.
Хакасия пазы Валентин Коновалов позының паза Хакасия правительствозының адынаң Юрий Вариводаның хада тоғынған арғыстарына паза туған-чағыннарына хада чобалчатханын читiрче.
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |