Хакасия пазы - Владивостокта
05.09.2022
Хабарлар
Валентин Коновалов, Хакасияның делегациязынаң устап, Владивостоксар тоғыс чорығынаң парыбысты. Регион устағҷызы Чоннар аразындағы VII Ӏскеркi экономика форумында (ВЭФ) аралазар. Ол ӱртӱн айының 5-8 кӱннерiнде Ыраххы Ӏскеркiдегi федеральнай университеттiң кампузында иртер.
Хакасия пазының паза Хакасия правительствозының пресс-службазы искiриинең, форумда Хакасия правительствозы экономикада паза инновацияларда хада- пiрге тоғынардаңар нинҷе-де компаниянаң чӧптезiгде хол салар, iдӧк чӧптезiглер регионның ниме-ноо сығарызын алғыдарына паза аал хонии промышленнозын тилiдерiне кӧстелер. Регионның алындағы чӧптезiглерiнҷе наа тусха чуртасха кирiлер киректерi чарадылар.
Хакасия пазы тоғыс чорығы тузында пастағы орынҷызы – Аппарат устағҷызы Татьяна Курбатова аның тоғызын толдырар.
ВЭФ – чоннар аразындағы чыл сай иртчеткен форум. Ол Азия паза Амыр тиңiс регионында экономикадағы палғалыс сурығларын ӱзӱрҷең кӱстiг паза кирек ӱзӱрiг орны чiли сабланча. Аймах кӧстеглерде сидiксiнiстернi пӧгерге оңдайлар тапчаң килiстiре орын полча.
2022 чылда форумның ӧӧн сурии – «Кӧп кӧстеглiг тилекейзер чолда». Тоғыс программазы алты чардыхха пӧлiлген. Андар чӱске чағын тоғыс мероприятиелерi кирiлген. Форум араласчылары хазна экономиказының, инвестицияларның, промышленностьтың паза пасха кӧстеглернiң таңдағызын ӱзӱрерге тимненчелер. Импорт нимелерi орнына пос ниме-ноозын сығарарына паза аның тилiс оңдайларына алынҷа хайығ салылар. Тиксi алза, 30 аймах сурығ кӧдiрiлер – экономикадағы килкiм алызығлардаң паза таарығ iлҷiрбезiнең пасти культураа паза ӧсчеткен тӧлнiң чир-суубысха хынызын тыыдарына теере.
Автор :
Наталья Сюптерекова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде