Хакасия паза Приморскай край: хайызығларын алғыдарлар
06.09.2022
Хабарлар
Ӱртӱн айының 6-ҷы кӱнiнде Хакасия пазы Валентин Коновалов паза Приморскай край губернаторының пастағы орынҷызы, правительство кнезi Вера Щербина чуртас-экономика, наука-техника паза культура кӧстеглерiнҷе хада-пiрге тоғынардаңар чӧптезiгде хол салыбысханнар. Аның ӧӧн пӧгiннерi санында, хазнадағы паза тилекейдегi наа национальнай пӧгiннернi паза алызығларны хайыға алып, регионнар аразындағы палғалыстарны прай саринаң тилiдерi полча.
2005 чылдаң сығара Хакасия паза Приморскай край, садығ-экономика, наука-техника, чуртас-культура кӧстеглерiнҷе хада-пiрге тоғынардаңар чӧптезiгҷе удур-тӧдiр туза ағылып, палғалыс тутханнар. Пу тус аразына чӧптiг тоғынғаны iкi сарина тузалығ полчатханын киречiлеен.
Наа чӧптезiг хоостыра регионнар аразындағы хайызығларны тилiдерi паза тыыдары кӧрiлче. Анзы экономиканы тилiдерге, iдӧк Азия паза Амыр тиңiс регионында чоннар аразындағы палғалысты алғыдарға полызар.
– Хатығластар тыыпчатханда паза импорт ниме-ноо орнына пос нимезiн сығарарға киректелчеткенде, Россияда Ыраххы Востоктың экономика оңдайлары алынҷа кирексiнiсте турча. Пiс Приморскай крайнаң хада хол салған чӧптезiг полғаныбысха ла экономиканың паза чуртастың аймах кӧcтеглерiнде удур-тӧдiр палғалызып тоғынарыбысты киректепче, iкi регионның инвестиция, таарығ чолларын паза транспорт оңдайларын алғытча, пос киреенең айғасчаң оңдайларны тилiдерге полысча, – таныхтаан Хакасия пазы.
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде