Инновацияларны – республиказар
06.09.2022
Хабарлар
ВЭФ-та хол салылған iкiнҷi чӧптезiг – республика правительствозы паза «Сколково» чыынды аразында. Ол регионзар килкiм хада тоғынар пiрiгicтернi тартарға паза инвестицияларға оңдайларны чахсыландырарға полызар.
– Пӱӱн пic хол салған чӧптезiг аймах-пасха кӧcтеглерҷе тӱзiмнiг пiрге тоғынарға ӧзен полыбызар. Чыындынаң хада тоғынғаны пicке ол, технология стартаптарына хабазып, наа технологияларны Хакасияның чуртас-экономиказына кирерi паза проекттернi чуртасха кирерi ле нимес. Мыннаң мындар ол республиканың инфраструктуразының тилiзi, наа тоғыс орыннарын тӧстирi, бюжетсер кiрчеткен налогтарның ӧзiзi, – таныхтаан Валентин Коновалов.
Россияның иң килкiм инновациялар кiнiнең хада технологияларнаң палғалыстығ пос киреен тилiтчең ӱгредiг программалары чииттерге тимнелер. «Сколково кӱннерi» паза Startuр Tour осхас мероприятиелер иртiрiл турар. Араласчы полып, компаниялар «Сколоковоның» сервистерiнең паза сыныхтағларынаң тузалан поларлар, IT-кӧстеенде льготалар ал поларлар, пос сығарған ниме-нооны алғыдарлар паза квалификациялығ специалисттернi тарт поларлар.
Iдӧк хада-пiрге тоғыс регионнаң сығарылған кандидатха «Сколковоның» адынаң регионда тоғыс апарарынҷа сурығ пӧгiлер. Сағам «Сколково» чыындының 9 регион араласчызы, олар стартаптарға эксперт хабазиин пирчелер.
– Пiс чахсы алызығларны кӧрчебiс – Россияда пiснең хада тоғынар кӧңнiлiг регионнар саны хозылча. «Сколково» чыынды идiнҷектернi, индустрия чахығҷыларын, инвесторларны килкiм городтарда ла нимес, тиксi хазнада пiр арығ пiрiгicке чыыпча. Хакас Республиканаң чӧптезiг технологияларнаң палғалыстығ пос киреен сабландырарға паза хабазығнаң тузаланарға полызар, – теен «Сколково» чыындының устағ кнезi Игорь Дроздов.
Пӱӱл хандых айында Хакасия пазы делегациянаң хада «Сколковоның» инновациялар кiнiнде пол килген. Тоғыс чорығында хада-пiрге тоғынар оңдайлар, индустрияда хада тоғынар пiрiгiстернең тоғыс, студенттернiң пос киреен тилiдерiнҷе вузтарнаң палғалысча тоғынары ӱзӱрiлген.
Орғах айында республикада «Сколково» чыындының регион тилiзi департаментiнiң устағҷызы Юлия Шевякинанаң тоғазығ ирткен. Андада регионның оңдайлары пӧзiк паалалған. Тоғазығ Хакасияда инновацияларны тилiдерiн ӱзӱрiгнi пастирға полысхан.
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде