Татарстаннаң хада-пiрге
06.09.2022
Хабарлар
Республика делегациязының Iскеркi экономика форумында тоғызын узарадып, пӱӱн Хакасия пазы Валентин Коновалов паза Татарстанның президентi Рустам Минниханов, алында хол салылған садығ-экономика, наука-техника, чуртас паза культура кӧстеглерiнде пiрге тоғынардаңар чӧптезiгнi чуртасха кирiп, 2022-2024 чылларға тоғыстар планын чарат салдылар.
Наа тусха тоғыстар планына хада-пiрге чуртасха кирер инвестиция проекттерi, ол санда пос киреенең айғасчатханнарның паза хазнаның пiрге тоғызына тӧстенiп, бизнес-миссияларны тимнирi, аал хонии, хазых хайраллиры, ӱгредiг, ибiркi чир-чайаанны хайраллир киректерiнде опытнаң орназары кирiлер. Культурада паза туризмде уғаа кӧп палғалыс киректерi кӧрiл парған, ол санда регионнар аразындағы гастрольлар паза чорыхтар.
– Хакасия паза Татарстан аймах чуртас кӧcтеглерiнде хада-пiрге маңнаныстығ тоғыс апарчалар, опытнаң ӱлесчелер. Амғы чуртас-экономика оңдайларында пiске хайызығларны тилiдерге киректелче, – таныхтаан Валентин Коновалов. – Тоғынчатхан чӧптезiгҷе чарадылған план iкi республиканың садығ-экономика, наука-техника паза культура кӧстеглерiндегi палғалыстарны тыыдарға полызарына ізенчем.
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде