«Хыйға» технологияларны – чуртасха
06.09.2022
Хабарлар
Хакасия правительствозы паза «ВымпелКом» ПАО («Билайнның» тӧстегҷiзi) iдӧк хада-пiрге тоғынарға чӧптес салдылар. Чӧптезiг регионда саннығ экономиканы тилiтчең проекттернi пiрге чуртасха кирерiнде амғы телекоммуникация технологияларын тузаланарына кӧстелген.
Кӧзiдiмге, «хыйға» городтың паза ЖКХ-дағы «хыйға» технологияларның чардыхтарын тилiзi кӧстегҷе хада-пiрге тоғынары кӧрiлче: тузалылчатхан кӱс ис-пайының (чарытхы, суғ) хорадылғанын, чiдiрiлгенiн санаҷаң модельлернi, городта чарытхынаң, сӧп-сапты чыырынаң, чол паза коммунальнай техниканаң устаҷаң системаларны кирерi.
Iдӧк «Билайн» арған интеллект полызиинаң транспорт инфраструктуразын тилiдерге, iстенчеткен чуртағҷыларның кӧс чӧрчеткенiн iстезерге, Хакасияның туристтерге хынығ поларын кӧдiрерге полыс полар. Искiрiглернiң ӱзӱрiг технологиязын тузаланғаны чуртас синiн, иcтiг паза хорғыс чох чуртир оңдайларны чахсыландырҷаң пӧгiннернi пӧгерге полыс полар.
– Амғы чон искiрiглер технологияларының паза сервистернiң улуғ тилiс синiн иртче, пicтiң чуртазыбысты оларны чох кӧрерге сидiк. Тиктең нимес, Россияның 2030 чылға теере тилiзiнiң ӧӧн пӧгiннер санына кирiлген. Киртiнчем, «хыйға» технологияларны экономикада паза чуртаста тузаланғаны республиканың мыннаң мындархы тилiзiне полызар, чуртас синiн, чуртағҷыларның истiг паза хорғыс чох чуртир оңдайларны кӧдiрер, – теен Хакасия пазы Валентин Коновалов.
Аннаң пасха, чӧптезiг хоостыра палғалыста наа технологияларны паза сервистернi тимнирi паза тилiдерi, Wi-Fi, М2М технологияларының, «пулут» технологияларының, искiрiгнiң хорғыс чох сервистерiнiң оңдайларын, кӧстеен смс-тарадығны тузаланары кӧрiлче.
– «Билайн» сотовай палғалыстың тилiзiнең не айғаспинча: пӱӱнгi кӱнде чуртастың аймах кӧстеглерiне саннығ технологияларны кирҷең паза сыныхтағ иртiрҷең опыт пар. ЖКХ-даң пасти ниме-ноо сығарызына теере, улуғ искiрiглернең паза арған интеллектнең тоғынчабыс. Чуртағҷыларның чуртазын уламох истiг паза хорғыс чох идер ӱчӱн, ол опытнаң пic республиканаң ӱлезерге тимдебic, – чарытхан «ВымпелКом» ПАО-ның хазна секторының тоғысча департамент устағҷызы Михаил Звягинцев.
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде