ПІР ӦМЕНЕҢ ЧУРТАСТЫ ЧАХСЫЛАНДЫРЧАЛАР
07.09.2022
Хабарлар
Хакасияның финанстар министерствозының ӧмезі республика пазы Валентин КОНОВАЛОВНАҢ хада
Сыйыхтас. Хакасия пазы Валентин Коновалов республиканың финанстар министерствозының иң артых тоғынҷыларын алғыстады
Хакасияның финанстар министерствозының иң артых тоғынҷыларын чеестиріне Финансист кӱні чағдапчатханы сылтағ полған. Ол чыл сай ӱртӱн айының 8-ҷі кӱнінде таныхталча. Пӱӱл ідӧк Россияның финанстар министерствозы тӧстелгенінең 220 чыл толчатханын таныхтапча.
Хакас Республиканың Аарластығ пічиинең паза Хакасия пазының алғыстазынаң финанстар министерствозының 30-ча специализі таныхтатхан: министр полысчызынаң пасти департамент устағҷыларына теере.
Хакасияның ӧӧн финансизі Игорь Тугужековха экономикада паза финанстар киреенде кӧп чыл тіспен істенген, пӧзік профессионализмі паза чидіглері ӱчӱн «Хакас Республиканың саблығ экономизі» аарластығ ат читірілген.
Регион устағҷызы кӧстегліг министерствоның специалисттерін чағдапчатхан ӱлӱкӱннең алғыстаан, пӧзік профессионализм паза пос киреенде киртіністіг істенчеткен ӱчӱн алғыс сӧстерін читірген. Валентин Коновалов республика пазы орнында тоғынып пастааннаң сығара иң сидік сурығлар ахча суриинаң айғасчатханнар алнында турғызылған, ол санда чал ахчазының, пособиелернің тузында тӧлелерін тӧстирі.
- Ахча суриинаң айғасчатханнар пу пӧгінні толдыр салғаннарын таныхтирға чарир. Ідӧк ахча суриин иптирі, финанстар пӱдізін тӱзімніг идіп алғаны толдырылған. Хазна ӧдізінің пӱдізін пілдірте алыстырып, аның коммерческай чардығын хызырып алғанында министерствоның иң улуғ чидии, - таныхтаан Валентин Олегович. - Парыстар ӧзізі, халғанҷы 3,5 чыл аразына, тізең піс аны ікі хати ӧскіріп алғабыс - ол пістің ӧмебістің паза пір чидии. Финанстар пілістіг апарылбаан полза, пу даа чидіг чох поларҷых.
Сірер ідӧк тимнегліг паза сыныхтағ тоғызы ӱчӱн нандырчазар. Сірер улуғ профессионал полчазар паза прай пӧгіннерге турыстыра сыданчазар. Хада, пір ӧменең, піс республикада чуртасты чахсыландырчабыс!
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде