ВЭФ-2022: Нефть тiлирлер
07.09.2022
Хабарлар
Ӏскеркi экономика форумында Хакасия правительствозы паза пiр чӧптезiгде хол салды. Ол Сибирьдегi федеральнай университетнең хада идiлген. Республика пазы Валентин Коновалов паза университеттiң ректоры Максим Румянцев Хакас Республикада орындағы ис-пай паза сервис кластерiн тӧстирдеңер паза тилiдердеңер чӧптезiгде хол салыбысханнар.
Хакасияда Ӱстӱнзархы Минсуғ оймааның Алтай ачығы орныхча, анда аймах оңдайлығ нефть ӱс пластта пары таныхталча.
Чӧптезiгнiң пӧгiнi – Сибирьдегi федеральнай университеттiң технологиялары полызиинаң Хакасиядағы нефтьтiг орыннарны iстезерi.
Республикада «Хакасия» наука-сығарыстығ полигон тӧстирi кӧрiлче. СФУ-ның паза регионның специалисттерi республика чир ис-пайын нефть паза газ осхас ис-пай парына iстезерлер.
— СФУ-наң хада чуртасха кирiлер проект Хакас-Минсуғ ойымындағы Алтай ачығында нефть чыындыларын паалирға паза мыннаң мындар аны анирынҷа комплекстi тилiдерге полызар, — таныхтаан Валентин Коновалов.
Чӧптезiг хоостыра чир ис-пайы iстезиинең пасха специалисттернiң тимненiзiн кӧдiрерi, республика кирексiнiстерiнҷе ӱгредiг программаларын чахсыландырары паза нааларны тимнирi, студенттер практиказын региондағы предприятиелерде иртiрері, iдӧк промышленностьты тилітчең ӧӧн кӧстеглерҷе наука тоғыстарын пiрге апарары кӧрiлче.
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде