Ковидтең паза кискектең тоғыр вакцинация тузы
09.09.2022
Хабарлар
Пӱӱн Хакасия правительствозының коронавирустаң тоғыр кӱрезерiнӌе оперштабтың теестегi чыылии ирткен. 9 сентябрьға пирiлген танығлардаң, республикада халғанӌы суткада ковиднең 302 кiзi ағырыбысхан, «хызыл зоназар» 41 кiзi чатырылған, стационардаң 29 пациент ибзер позыдылған. Пу чуғынӌахтаң пӱӱн тиксi 2888 чуртағӌы имненче, оларның 90 %-i - ибде (2656 кiзi). Пӱӱл ковиднең имненiп алғаннарның саны - 54314.
Ковид пöлiктерiнде сағам тиксi 382 орған кöрiл парған, оларның 91-i (28 %) пос турча. Кислородтығ орған саны - 220, оларның 129-ында имненчеткен кiзiлер чатырылған, халғаннары (41 %) хуруғ турча.
Ковидтең тоғыр вакцинаның пастағы чардығы 347013 чуртағӌаа турғызылған (халғанӌы суткада - 845 кiзее), iкiнӌiзi - 224490 кiзее, ревакцинацияны 91193 кiзi иртiбiскен. Iдöк коронавирустаң тоғыр прививка 463 тойлығ ипчее паза 2138 палаа турғызылтыр. Прививка кабинеттерiнең пасха, вакцинациянаң iдöк мобильнай бригадалар айғасчалар. Вакцинацияӌа пiстiң республика иң чахсы тоғынчатхан пис регион санында таныхталчаттыр.
Вакцина, имнер паза кислород читкiӌе.
Хакасияда пӱӱн чонға iдöк кискектең тоғыр прививка турғызылча. Амды пу iкi прививканы пiр саңай турғызарға чарадылча. Че пасха ит чардыхтарынзар турғызарға кирек, кöзiдiмге, пiр вакцинаны - сол иңнiнзер, iкiнӌiзiн - оң иңнiнзер. Грипптең тоғыр прививка сағам 15 муң азыра чуртағӌаа турғызылған.
Ковидтең паза кискектең тоғыр вакцинацияны, ревакцинацияны узарадарға, тесттернi кöп арах иртiрерге, санитарнай правилоларға хайди даа тудынарға пöгiн турғызылған.
Автор :
Инора Боргоякова
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы