МАТЫРЛАРНЫҢ АТТАРЫ ХАҶАНҒА ДАА ХАЛАР
16.09.2022
Хабарлар
Хумартхылас. Ағбан городтағы Георгиевскай садта алнындағы кӱнде Хакас Республикадағы патриоттар кӱстерiнiң фестивальы ирткен
Фестиваль пасталар алнында, Хакасия пазы Валентин Коновалов Москвадаң килген аалҷынаң, Россиядағы чаа-тархын пiрiгiзінiң регионнарнаң палғалыс тутчатхан департаменттiң директоры Аяна Шойгунаң тоғасхан. Тоғазығда iдjк араласхан Хакасиядағы чаа-тархын пiрiгiзінiң кнезi, республиканың культура министрi Cветлана Окольникова.
Анда чоох парған Россиядағы чаа-тархын пiрiгiзінең аннаң андархы палғалысты тудардаңар, iдjк Ағбанда «Хаҷанға даа орыс чӱректiг матырлар» сомнар кjзiдиин азардаңар. Пу кjзiдiг, Москва городта полып, амды Хакасиязар читкен. 2025 чылда Илбек Чиңiстiң 80 чылы полар. Ағаа амох тимненерге кирек, аннаңар Ағбандағы Чиңiс паркын нааҷылиры пjгiнде турча. Мында Россиядағы чаа-тархын
Тоғазығ соонаң Хакасия пазы Валентин Коновалов Москвадаң килген аалҷы Аяна Шойгунаң хада Георгиевскай садта сомнар кjзiдиин азарға парғаннар.
Пеер чыылысханнар Хакас Республиканың, Ағбан городтың ӱлгӱлерi, халых организацияларының кiзiлерi, студенттер, чаа паза iстенiс ветераннары, ӱгренҷiлер. Пу чыылығ «Хаҷанға даа орыс чӱректiг матырлар» сомнар кjзiдии азылғанына чарыдылған. Кjзiдiг Россиядағы чаа-патриот пiрiгiзiнiң паза арачыланыс министерствозының хабазиинаң азылған.
Чыылығны асчадып, Хакасия пазы Валентин Коновалов таныхтаан, пу уғаа кирек кjзідіг, мында алындағы паза амғы матырларның палғалызы кjзiдiлче. Илбек Ада чаа тузында Cовет Союзы позының чирiн немец фашисттерінең осхырған. Ол ханнығ чаада ыырҷылар пiстiң чонны айабин хыр турғаннар. Че пiс андада азымахчыларны чох ит салған полғабыс.
Че кем пiлген ол туста Украина чирiнде фашизм хатап тjрiп килерiн. Донбасс паза Луганск чирлерiнде пазох снарядтар чарылчалар, пазох ла апсах-инейлернi, олған-узахты паза олаңай кiзiлернi jдiрчелер.
Пу чаада пiс пазох чиңiс тударға кирекпiс. Аның ӱчӱн пiстiң прай ниме пар, jjнiнде сын кирек ӱчӱн кӱресчеткенiбiс. Илбек Ада чаа тузындағы чiли, амғы матырларыбыс, постарының чуртазына даа айабин, Чир-суубыс ӱчӱн турысчалар. Пiс позыбыстың тархынын ундутпасха кирекпiс. Аның ӱчӱн мындағ кjзiдiг азылған. Чииттерге ол уғаа туза полар. Піс матырларыбысты хаҷан даа ундутпаспыс...
Хакасия пазының чооғына хозылған Ағбан город устағҷызы Алексей Лёмин. Сомнардағы матырлар постарының Чир-сууна іди хынғаннар, чуртастарын даа айабааннар. Олар пістің тархыныбыста хаҷанға даа халарлар. Позының тархынын чідірген чон соонаң чох пол парча. Аннаңар Украинада фашизм хатап тjрiп килген. Фашизм, тізең, хатабох позының хорғыстығ чолын пастапча. Ааллар кjйчелер, городтар изелчелер, кізілер jлчелер.
Амды Донецк паза Луганск Чон республикаларында Россия чааҷыларынаң паза ополченецтернең хада пос кjңнінең фашизмнең тоғыр харбазыға парған кізілер чааласчалар. Ол кізілер ибде истіг одырбааннар. Оларны пірдеезі андар сӱрбеен, чӱректері хығырғаны хоостыра амыр чуртас ӱчӱн харбазарға парғаннар. Олар андағох матырлар, андағларның полызиинаң пістің чиңic полар...
Анаң cjс алған Москвадаң килген аалҷы, Россиядағы чаа-тархын пірігізінің регионнарнаң палғалыс тутчатхан департаменттің директоры Аяна Шойгу. Ол Россия президентінің полысчызы, Россияның чаа-тархын пірігізінің кнезі Владимир Мединскийнің айланызын хығыр пирген. Анда чонны тархын саринаң ӱгредер киректеңер таныхталған. Постың тархынын пілчеткен кізі чахсы паза хомайны, сынны паза чойны пір дее алҷаастабас. Ағбанда Илбек Ада чаада паза амды Донбасстағы jнетін чаа операциязында чат халған матырларның сомнар кjзідии чииттерні тархын киреене ӱгредер.
Анаң Георгиевскай садта турчатхан чааҷы хумартхызына гвоздикалар салылған. Ол туста ырҷылар патриот сарыннарын толдырғаннар.
Анаң кізілер стендтерде хызылған сомнарнаң танысханнар. Мында Илбек Ада чаа тузында Украина ӱчӱн паза амды Донбасс ӱчӱн чааласхан матырларның сомнары полған. Кjрерге чарир амғы матырлар Владимир Жоганы, Владимир Зозулинні, Алексей Бернгардты, летчик, генерал-майор Канамат Боташевті, рота командирі Нурмагомед Гаджимагомедовты паза даа пасхазын.
Кізілер, сомнар стендтері хыринҷа кjjлҷе пастырып, матырларның омаларынзар ситкіп кjргеннер. Мына Дагестан чирінің оолғы Нурмагомед Гаджимагомедов, хайзы Украинадағы бандеровецтерге ибіртірібіскенде, оларның холларына кірбеске полып, гранатанаң позын ыырҷыларнаң хада чара чачырадыбысхан. Хости Донбасстағы саблығ «Спарта» отрядтың командирі Владимир Жога. Ол iдjк, фашисттердең тоғыр чаалазып, тынын пир салған.
Георгиевскай сад ӱстӱнҷе Расул Гамзатовтың «Турналар» кибелізіне пазылған сарын тигірзер тарапчатхан.
Автор :
Илья Топоев
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде