Тузында алылған чарадығ
23.09.2022
Хабарлар
Хакасияның чуртағҷылары, ол санда закон сығарҷаң ӱлгӱ органындағылар, халыхчылар, саблығ тоғынҷылар паза пасхазы Россия президентi чардыхти мобилизация иртiрердеңер чарадиина чӧпсiнчеткеннеңер паза хабасчатханнаңар искiрчелер.
Иң пурун чонға пос кӧрiзiн читiрерге тимде полғаннар санында Хакасияның Ӧӧркi Чӧп кнезiнiң пастағы орынҷызы Юрий Шпигальских:
- Сизiнгенде, пу чарадығны тиксi хазна чуртағҷылары сағаан, олох туста прайзы пу киректi тохтирын сағыпча. Чон ӧнетiн чаа операциязы хысха тусха толдырылар сағынған. Че кирек хай-хай сидiк полтыр. Ноға сидiк? Ол Украинада чаалазығ аар парчатханынаң палғалыстығ нимес, мында тиксi Кидеркi чардых пу кирекке ситкiп хайчатханы теелче. Россияны тохтадарға улуғ кӱс тузаланысха позыдылча.
Пӱӱн чардыхти мобилизация иртiрердеңер алылған чарадығның кирексiнiзiн Россияның иң пӧзiк ӱлгӱ синiнде, тилекейде оңарчалар. Ол чарадығ киректелген! Аннаңар Россия президентi тузында паза кирек сурығҷа чоох тутхан!
Чарлалған чардыхти мобилизацияны чон аймах кӧрiснең паалир, че пiлерге кирек Россияның Конституциязында чаа обязательствозы пазыл парған,полған на чуртағҷының Ада чир-суун арачылир долгы пар. Пӱӱн, тiзең, хазнабысты арачылирдаңар чоох парча! Аннаңар пу чарадығ Кидеркi хазналарға Россияның кибiр-чозахтарынаң на нимес, че iдӧк чонынаң кӱстiг полчатханынаңар сағба пирче! Пiс турғысхан пӧгiнiбiстi толдыр поларбыс.
Хакасия улуғ полбаза даа, аның чуртағҷылары пу чарадыға тимде полған, чир-суубысха хынып, хазна пазы турғусхан чахығны толдырар.
Автор :
Пазып алған Наталья Сюптерекова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде