Пастағы кӱннең сығара – хада-пiрге!
23.09.2022
Хабарлар
Хакасияның Ӧӧркi Чӧбiнiң аал хонии политиказынҷа, ас-тамахча паза чирнең тузаланарынҷа комитет кнезi, Хакас чонның Улуғлар Чӧбiнiң кнезi Петр Воронин iдӧк Россия президентiнiң чарадиина чарасча:
- Россия президентiнiң чахиинҷа чардыхти мобилизация иртiрерi пасталыбысты, ол ӧнетiн чаа операциязының кирексiнiзi. Аннаңар орта ба, саба ба чарадығ алылғанын ӱзӱрерге киректелбинче. Президент кирексiнiстi чахсы чарыт пирген. Сағынчам, пiс ағаа хабазарға кирекпiс! Мин позым аннаң чарасчам!
Чоохтирға кирек, Хакас чонының Улуғлар Чӧбi ӧнетiн чаа операциязы пасталғанынаң сығара Россияның Тирiглiг Кӱстерiне хабасхан. Ноға? Ол прай саринаң паалалып алылған чарадығ! Ӏди полбаан ползабыс, чаалазығлар Россияның чирiнде иртерҷiктер. Нацисттер тимде полғаннар.
Хакас чонның Улуғлар Чӧбiнiң президиумы пу сурығҷа чыылысхан, пiс Россия президентiнiң чардыхти мобилизациядаңар чарадиина хабасчабыс. Тиктең нимес ол пу чарадиинаңар чонға позы искiрерге чаратхан. Ол чарыт пирген: ноға андағ чарадығны алған, кем хығыртылар… Аннаңар мин Россия президентiнiң, Арачыланыс министрiнiң сӧстерiне киртiнчем. Олар тiпчелер мобилизацияа запастағы чааҷыларның 1 процентi тартылар. Хакасиядаң нинҷе кiзi хығыртыларынаңар чоохтирға сидiк, аның ӱчӱн республикада Валентин Коноваловтың устаанынаң ӧнетiн комиссия тӧстелген. Ол пу тоғыснаң айғазар.
Пiстiң, Хакасия правительствозының, муниципальнай пӱдiстер пастарының пӧгiнi - запастаң Россияның Тирiглiг Кӱстерiнзер службаа хығыртылған кiзiлернiң туған-чағыннарының, сӧбiрелерiнiң чуртас синi тӧбiн тӱспес ӱчӱн хайығда тударға! Пiс андағ полған на сӧбiренi алынҷа хайыға аларға кирекпiс!
Автор :
Пазып алған Наталья Сюптерекова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде