Хайдағ чааӌы специальностьтар киректелче?
24.09.2022
Хабарлар
Россия президентi чахии хоостыра чардыхти мобилизация иртче. Аны хоостыра Хакасиядағы чааӌы комиссариады Украинада иртчеткен öнетiн операцияа чуртағӌыларны ызар тимнеглiг тоғыс апарча.
Пӱӱн Хакасия пазының орынӌызы Юрий Курлаев паза Хакасияның чааӌы комиссарының тоғызын толдырчатхан Николай Видяйкин хабарӌыларға брифинг иртiргеннер.
Хайди олар таныхтааннар, чардыхти мобилизацияда аралазарға хығыртылған офицерлерге, прапорщиктерге, мичманнарға, сержанттарға, старшиналарға паза даа пасхаларына повесткада таныхталған орынзар, адалған кӱнде паза часта килерге кирек.
Хада аларға кирек паспорт паза посха киректелчеткен ниме-ноолар.
Посха чуртағӌыларға чааӌы комиссариаттарынзар килерге кирек чоғыл, повестка ла алза.
Тоғыс пирчеткеннерге, чардыхти мобилизацияа тартылчатхан тоғынӌыны, тудығ чох позыдыбызарға паза чал ахчазын тöлеп пирерге киректелче.
Мындағ чааӌы специальностьтарға хайығ салылча: атығӌылар, танкисттер, механиктер, артиллеристтер, водительлер паза даа пасхазы.
Чаа операциязында араласчатханнарға чал ахчазы тöлелер паза прай социальнай гарантиялар полар.
Автор :
Оксана Сунчугашева
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде