Мобилизация штабы чыылығларын иртiрген.
25.09.2022
Хабарлар
Валентин Коновалов: Орындағы ӱлгӱлерге военкоматтарнаң пiрге тоғынарын тыыдыбызарға кирек, законӌа мобилизацияа тартылбинчатханнар хығыртылбас ӱчӱн
Хакасия пазы Валентин Коновалов субботада, 24 сентябрьда, чардыхти мобилизацияӌа хығыртығ комиссиязы паза республика правительствозындағы мобилизация штабы чыылығларын иртiрген.
Хакасия пазы президенттiң указын толдырары хоостыра чардыхти мобилизация орыннарда хайди иртчеткенiн сыныхтаан, iдöк тимнеглiг сурығлар ӱзӱрiлген.
Штаб тоғынып пастаандох, Валентин Коновалов муниципальнай пӱдiстернiң пастарына мобилизация иртiрерiнде военкоматтарға хабазарға чахығ пирген, оларны чығӌаң орыннарзар читiрерiне транспорт пир турарға, тимнег паза техника сарилығ пасха даа пöгiннернi толдырарында полызарға.
Олох туста регион устағӌызы орындағы ӱлгӱлернiң хайиин чааӌы комиссариаттарынаң пiрге тоғынарын тыыдыбызарына тартхан, кöзiдiмге, закон хоостыра мобилизацияа тартылбас кiзiлер хығыртылбас ӱчӱн.
Хайди таныхтаан Валентин Коновалов, муниципалитеттернiң пастары чуртағӌылар аразында чарыдығлығ тоғыс апарарға, оларға сын паза сыныхталған искiрiглернi читiрерге киректер. Пiр дее айланысты, пiр дее сурығны хайығ чох артыспасха, тайма искiрiглер тарапчатханын тохтадарға. Муниципалитеттернiң пастары пӱӱн мобилизацияа тартылғаннарның сöбiрелерiнең хости поларға кирек. Оларға хайығ салып полызарға. Пу нимее регион устағӌызы iдöк алынӌа хайығ салған.
Хакасияда, прай хазнадағыох чiли, iзiг линия тоғынча - 122. Чардыхти мобилизацияӌа сурығларға нандырығлар таап алар ӱчӱн.
Россия правительствозы иң не удаа пирiлчеткен сурығларны чыыпча. Оларға нандырығлар "Объясняем.рф" правительство порталында сығарылча.
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде