ХАЗНА ЧОННАРЫ ЫНАҒ
Культура. Кiчiг хырлас айының 3-ҷi кӱнiнде 17.00 часта С.П.Кадышевтiң адынаң чон чайаачызының национальнай кiнiнде «Хада-пiрге пiс кӱстiгбiс» (0+) ӱлӱкӱн полар
Чайаачы иир Чон пiрiкчеткен кӱнге чарыдылча. Россия чоннарының культура ис-пайы чылы хоостыра иртірілче. Республика чуртағҷыларын Хакасияның устағ-пастаа паза артисттер алғыстирлар.
Ӱлӱкӱнні пастап, В.Г.Чаптыковтың адынаң Хакас филармониязының хоос устағҷызы Марина Штарктың устаанынаң «Каданс» хор Россия гимнiн толдырар. Чон чайаачызы кiнiнiң ӧмелерi, Хакасияда чуртапчатхан чоннарның культураларын кӧзiдiп, аймах сарыннар толдырарлар паза теелбектер саларлар. Хакас филармониязының артисттерi ӱлӱкӱннi «Пiс Илбек Россия» сарыннаң тоозарлар.
Кiчiг хырлас айының 4-ҷi кӱнiнде Россияда хазна ӱлӱкӱнi – Чон пiрiкчеткен кӱн – таныхталча. Ол 1612 чылда Кузьма Мининнiң паза Дмитрий Пожарскийнiң устаанынаң чон Москваны Польша азымахчыларынаң позыдып алған хорғыстығ киректернi хумартхылап тӧстелген. ӱлӱкӱн 2004 чылда улуғ хырлас айында Россияның киртiнiстер аразындағы чӧбiнiң кӱстенiзiнең пiстiң хазнадағы чоннарны пiрiктiрер пӧгiннең чуртасха кирiлген.
Ӱлӱкӱнні С.П.Кадышевтің адынаң чон чайаачызы кінінің ӧмезі иртірче. Мероприятиее тикке кірерге чарир.
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |