"Хада-пiрге пiс кӱстiгбiс" пайрамнығ мероприятие ирткен
04.11.2022
Хабарлар
3 ноябрьда С.П.Кадышевтiң адынаң культура паза чон чайаачызы кiнiнде Чон пiрiкчеткен кӱнге чарыдылған концерт ирткен. Анда чон чайаачызы кiнiнiң иң чахсы öмелерi, "Каданс" хор, Хакас филармониязының ырӌылары паза пасха даа артисттер араласханнар.
Республика чуртағӌыларын ӱлӱкӱннең алғыстап чоох тутхан регион устағӌызы Валентин Коновалов.
- Ада чир-суубысты арачылирына хада-пiрге турыбыссабыс, пiс талас чох утчабыс - чаалазығ чазыларында ла нимес, экономикада, наукада, технологияларда, культурада. Россияа сидiк чолны иртерге килiзер, че пiс пiрге ползабыс хайди даа утып аларбыс. Хада-пiрге пiс кӱспiс! - теен Валентин Коновалов. - Аарлығ арғыстар! Сiрерге прайзыңарға пик хазых, сöбiредегi чахсы чуртас, Россияа паза пiстiң республика туза ағылар киректерде чидiглер алғапчам!
Пайрамнығ иирде республиканың турыстығ чуртағӌыларына хазна сыйыхтары читiрiлген. Республика пазы "Ассоциация юристов России" халых пiрiгiзiнiң Хакас региондағы пöлии кнезi Михаил Дмитриенкоға Россия президентiнiң Алғыстазын читiрген. "Торговый дом"Премьер" ООО-ның ööн директоры Олег Гавловский "За заслуги перед Хакасией" орденнең сыйыхтаттырған.
Республиканың Аарластығ пiчiктерiн "Читiген" Хакас драма паза этническай музыка театрының директоры Ирина Чустугешева, Хакас республиканың искусстволар олған школазының директоры Александра Шаренко алғаннар. "Алтынай" хакас ипчiлернiң халых пiрiгiзiнiң устаа кiзiзi Ирина Троякова Хакасия правительствозының Алғыстазына турысхан.
Автор :
Тимнеен Альберт Толмашов
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде