СУРЫҒЛАР ПАР – АЙЛАНЫҢАР
Чардыхти мобилизация. Хакасияның ис-пай паза чир хайызығлары министрі Евгений Тарасов, ікінҷі неделя Омскта командировкада полып, ВКонтакте социальнай сетьтегі страницазында хабарларнаң ӱлесче
Алындағы кӱн Евгений Тарасов ВКонтакте пас салған: «Чардыхти мобилизация хоостыра полған на кӱн чааҷыларның туған-чағыннарынаң чӱс артиинаң айланыс кірче. Республика правительствозынаң хада кірген айланыстарҷа тоғынчабыс.
Хакасия пазының чахии хоостыра мобилизацияа хығыртылғаннарнаң хада социальнай тӧлеглер суриинҷа чарыдығлығ чоохтазығ иртіргем. Мобилизациядағыларның сӧбіре кізілерінің счеттарынзар ахча пазағы неделядаң сығара кір сығар. Социальнай хабазығ суриинҷа Хакасияның істеніс паза социальнай арачыланыс министерствозынзар кӧні айланарға чарир.
Валентин Олеговичке Омскта хайдағ тоғыс ит салғанымнаңар видеоконференция оңдайынаң сан пиріс иткем. Республика пазының чахиинҷа офицерлерге штабта тоғынарына киректелчеткен оргтехниканы читірерге пӧгінчебіс.
Арғыстар, мин ам даа палғалыста. Піреезінің пӧгілбеен сурығлар пар полза, айланыңар. Пӧгербіс!»
Хакасияның ис-пай паза чир хайызығлары министрі Евгений Тарасовнаң ВКонтакте социальнай сеть пастыра палғалызарға чарир: http://vk.com/tarasov_008.
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |