Транспорт инфраструктуразын тилідерге хабазығ полар
11.11.2022
Хабарлар
Росавтодор Хакасияа пу кöстегҷе хабазарын узарадардаңар искірче республика пазы Валентин Коновалов.
Аның таниинаң, Хакасия правительствозы чолларны тилідерінҷе паза транспорт инфраструктуразын иптирінҷе тоғыстарны öткін толдырча.
- Пістің республика — чахсы чолларҷа Сибирьде 3-ҷізі паза Россияда 19-ҷызы. Халғанҷы 3,5 чылға пістің региондағы чолларны тиксі тыхтирына паза пұдіреріне хорадығлар пис хати öс парғаннар.
Москвада Закасия пазы Валентин Коноваловнаң Федеральнай чол агентствозының устағҷызы Роман Новиковтың тоғазиинда Ағбан - Бийск транспорт чолына, тірöс сетьтерін паза Ағбан агломерациязын тилідеріне, Ағбан - Ах Тобырах чолның паза аның тахталарының синіне паза пасха даа орыннарға теелчеткен сурығлар ӱзӱрілген.
Тоғазығ салтары - Росавтодорның паза Хакасия правительствозының республиканың транспорт инфраструктуразын тилідердеңер меморандумда хол салылғаны. Анда 2023-2027 чылларда хада-пірге тоғынар ööн кöстеглер таныхтал парған.
Автор :
Тимнеен Наталья Сюптерекова
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы