Пос киреенiң тиксi тилекейдегi неделязы таныхталча
15.11.2022
Хабарлар
Пу неделя тооза «Минiң пос киреем» кiнде пос киреенiң тиксi тилекейдегi неделязы иртер. Республиканың тилiс чыындызы идiнҷектерге мастер-класстар, семинарлар, практикумнар, квесттер паза бизнес-ойыннар тимнеп салған. Оларны пос киреен пiлчеткен устар апарар.
Модераторлар Хыдат, Моол, Ӧӧн паза Ӱстӱнзархы-Ӏскеркi Азия хазналарының чырғалларынзар экспортнаң сығып алар оңдайлардаңар чоохтирлар. Программада iдӧк валюта сыныхтаанаңар, сығарыста саннығ технологияларны тузаланары, «Россияның экспорт кiнiнiң» паза «Сколково» чыындының хабазиинаңар чоох апарылар.
Хакасияның идiнҷектерi паза посха тоғыс таапчатханнар пос кирее ойыннары полызиинаң наа синге сығып аларлар, пос ады паза чон алнында чоох тутханы бизнестiң тилiзiне хайдағ туза ағылчатханын пiлiп аларлар.
– Пiс пастағызын на пос киреенiң тиксi тилекейдегi неделязын алғым таныхтапчабыс. Ирткен чылда тымо сылтаанда прай ӱгредiг онлайн ирткен, - чарытхан Экспортха хабасчаң кiннiң устағҷызы Анастасия Цукерман. – Пу неделяда араласчылар наа чырғалларға сығар оңдайларнаң танызарлар, тус тузалығ иртер, ағаа хоза чапсых сыйығастар тимнел парған.
Пос киреенiң тиксi тилекейдегi неделязының толдыра программазын пу чолҷа таап аларға чарир: https://мойбизнес19.рф/news/segodnya-startovala-vsemirnaya-nedelya-predprinimatelstva
Кiчiг хырлас айының 16-ҷы кӱнiнде иртер:
10:00 часта – «Наа синге сығары» бизнес-ойын;
11:00 часта – Экспортерлар клубының пастағы чыылии;
14:30 часта – «Маңнаныстығ экспорт: хатығластарда оңдайлар тiлепчебiс!» мастер- класс.
Кiчiг хырлас айының 17-ҷi кӱнiнде иртер:
10:00 часта – «Моол чирiнзер экспортнаң сыхчабыс» мастер-класс;
14:00 часта – «Инкотермстың кирексiнiстерiнең танысчабыс» вебинар;
16:30 часта – «Сколково» чыындының хабазығлары. Хайди оларнаң идiнҷекке тузаланарға» вебинар.
Кiчiг хырлас айының 18-ҷi кӱнiнде иртер:
10:00 часта – «Ӱстӱнзархы-Ӏскеркi Азия хазналарынзар экспортнаң сыхчабыс» мастер-класс;
14:00 часта – «Россияның экспорт кiнiнiң (РЭЦ) полызығлары - РЭЦ-нең, «Минiң экспортым» платформанаң таныстырғаны;
16:00 часта – Пос киреенiң тиксi тилекейдегi неделязының салтарларынҷа квест/бизнес-ойын. Чиңiсчiлернi сыйыхтиры.
Прай мероприятиелерге «Минiң пос киреем» кiннiң (https://мойбизнес19.рф/) сайтындағы пос пӧлиинде пазын саларға чарир.
Автор :
Тимнеен Наталья Сюптерекова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде