ПИҶЕ-ТУҢМАЛАРНЫҢ САҒЫНҒАН САҒЫСТАРЫ ТОЛҒАН
28.12.2022
Хабарлар
Чӧрім. Хакасия пазы Валентин Коновалов, «Сағынған сағыстар сыбызы» чӧрімде аралазып, Наа чыл алнында ӱс паланың сағынған сағызын толдырған
ТИКСІ РОССИЯДА ЧЫЛ САЙ «САҒЫНҒАН САҒЫСТАР СЫБЫЗЫ» ПОЛЫЗЫҒЛЫҒ ЧӦРІМ ИРТІРІЛЧЕ. ХАКАСИЯ ПАЗЫ ВАЛЕНТИН КОНОВАЛОВ ПУ ЧӦРІМ ХООСТЫРА РЕСПУБЛИКАДАҒЫ ӰС ПАЛАНЫҢ САҒЫНҒАН САҒЫЗЫН ТОЛДЫР ПИРГЕН. ОЛАР – 9 КЛАСС ӰГРЕНҶIЗI ЮЛИЯ КРИВОРУЧКО ПАЗА АНЫҢ ІКI ТУҢМАЗЫ, 13 ЧАСТЫҒ ПАША ПАЗА 12 ЧАСТЫҒ ДИМА. ПАЛАЛАРНЫҢ ТӦРЕЕН ЧИРІ ШИРА АЙМААНДАҒЫ ТОЙЫМ ПОСЕЛОК ПОЛЧА. ЧЕ АМДЫ ЧУРТАС САЛҒАҒЫНДАҒЫ СИДІКCIНІСТЕР СЫЛТААНДА ОЛАР РЕСПУБЛИКАДАҒЫ СААРБАХТАРНЫҢ СОЦИАЛЬНАЙ РЕАБИЛИТАЦИЯ КІНІНДЕ ЧУРТАПЧАЛАР.
Олғаннар республика пазынаң тоғазып аларға матап сағынғаннар, че iдӧк ноо даа пала Наа чылға сыйыхтар сағыпча.
26 декабрьда, чылның ӧӧн ӱлӱкӱніне нинҷе-де кӱн халған туста, ікі оолахты паза оларның пиҷезін Хакасия правительствозынзар ааллап хығырғаннар.
Палалар, Валентин Коноваловнаң чоох алызып, постарының хынып айғасчатхан киректерінеңер, улуғ ӧс парза, кем поларға сағынчатханнаңар чоохтааннар.
Юлия теелбек кружогында айғасча, хоостирға хынча. Павел бокснаң паза футболнаң айғасча, ол ӧрт ӱзірҷең поларға сағынча. Дима волейбол секциязынзар чӧрче паза конструированиенең айғазарға хынча, улуғ ӧс парза, полиция тоғынҷызы поларға сағынча.
Хакасия пазы Валентин Коновалов оларға республика правительствозы адынаң сыйыхтар читір пирген. Сыйыхтар оларға чайаачы узын тилідерге паза спортта тилирге тузалығ полар.
Валентин Коновалов пиҷе-туңмаларға ӱгредігде чидіглерге чидерге, чағдапчатхан чылда ӧрініс паза ырыс-часка ползын, пик хазых паза прай сағынған сағыстары толзын тіп алғаан.
Тоғазығның халғанҷызынзар Наа чыл сыбызы хыринда сомға суурынып алғаннар.
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы