Хакасия пазы республика правительствозының 2022 чылдағы тоғызына паалағ пирген
29.12.2022
Хабарлар
Хакасия пазы Валентин Коновалов "Абакан 24" телеканалның кöнi эфирiнде пiстiң республика Наа чылны хайдағ салтарларнаң удурлапчатханынаңар чоохтап пирген.
- Чыл салтарларынаңар чоохтаза, правительство чахсы тоғыныбысхан тiп санапчам. Пӱӱл пiс 4 чыл аразына идiлген тоғыстың тиксi салтарларын кöрчебiс. Кöзiдiмге, пiс килер 2023 чылға бюджеттi алыбысхабыс, аның салтары хайдағ? 4 чыл аразына республиканың парыстары iкi хати артиинаң öс парғаннар.
Валентин Коновалов iдöк Хакасияның кöзiдiмнерiн, парыстар хайди öскенi хоостыра, пасха регионнарнаң тиңнестiрзе, пiстiң республика хазнада иң чахсыларның пiрсi полча тiп таныхтаан.
- Ол олаңай ла парыстар öзiзi нимес, ол пӱдiрiлчеткен школалар, амбулаториялар, олған садтары, наа оборудование, - чоохтаан Хакасия пазы. - Пiс пӱӱн федеральнай ахчаларны 4 хати кöп тарт сыххабыс. Анзы хоза обязательстволарны ағылча, оларны кирiп аларына пос ахчазын хозарға кирек нооза.
Паза Хакасия алымының коммерческай чардығын 5 хати хызырып алғанын таныхтаан. Хайдағ-да чардығын чаап, хайдағ-да чардығын хазна кредиттерiне айландырып.
- 2018 чылда пiс хазна алымының проценттерiн тöлирiне 2,5 миллиард салковай хоратхан ползабыс, пӱӱл пiс 400 миллион салковай ла хоратхабыс, - искiрген Валентин Коновалов. - Килер чылда пiс коммерческай кредиттернең саңай позып аларға пöгiнчебiс.
Автор :
Тимнеен Альберт Толмашов
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде