Палыхчыларға - сизіндіріг
03.01.2023
Хабарлар
Республиканың ГО паза ЧС управлениезі пус алтында хармахтирға хынчатханнарға алында сыныхталған орыннарны таллирға паза пуста хорғыс чох тудынарға хығырчалар.
Хорғыс чох орыннар санында - ағыны чох кöллер, карьерлер. Хара суғлығ паза суғ ағысчатхан орыннар хорғыстығлар. Анда пус чуға, хар алтында чіктелген орыннар поладыр.
Палыхтирға парчатса, хайдағ кӱн турчатханын кöрерге кирек. Хараазын паза иртеезінöк, уламох чалғызан, чöрбеске. Туған-чағыннарға хайдар паза хай синге парчатханын искір турыңар. Хада чиис паза ізіг чей алыңар. Изіртчеткен суғлар іспеңер.
Öменең пусча парчатса, соон сӱрістіре, аразы 5-6 метр оортахта парарға кирек. Алнында парчатхан кізее табырах полызарға тимде полыңар.
Салылған чолларнаң тузаланарға кӱстеніңер. Пус пик полчатханын азахнаң сыныхтирға хорғыстығ.
Пуста кöп кізі чыылыспаңар, тизіктерні удаа хаспаңар. Палыхчылар аразы 1,5-2 метр поларға кирек.
Полған на палыхчының арачыланыс тирии поларға кирек: 12-15 метр арғамӌыӌах, аның пір пазында 500 гр аар ниме хаптырыларға кирек, ікінӌі пазында - ілгіс.
Пус алтына кір парзаңар алай андағ кирек киречізі ползар: суғ алтына пата халбас ӱчӱн, холларнаң пус хыриларына чайа тудыныңар. Кöксіңернең чызынахтанып, теести азахтарны пуссар сығарыңар, оларны чалбахти салыңар. Пус тӱскен орыннаң оортах чылыңар.
Кинен киречізі ползаңар, суға кір парған кізее полызыға килчеткеннеңер хысхырыңар. Холларны чаза салып, андар чызынахтаңар. Пус оодылған орын хыринзар чағын парарға чарабас. Позыңар суға кір парарға хорғыс пар.
Ӱс метр ырахтаң кізее арғамӌыны, узун ағасты алай килістіре пірее нимені пиріңер. Анаң ол кізіні пуссар сығарыңар, аннаң хада ағырин-кööлӌе хорғыстығ орыннаң чызынахтаңар.
Хорғыс чох орында суға кірген кізінең öл кип-азаан суурыңар паза сыға тудыңар. Хуруғ кип-азах полза, аны кизіртіңер, чох полза - аныңох кип-азаан. Кізі иді-ханын, чысхлап, ізідіңер. Чылығ суғнаң алай чейнең суғарыңар.
Автор :
Хакасияның ГО, ЧС паза ПБ устанызының пресс-службазы; Сом Хакасияның ГО, ЧС паза ПБ устанызының пресс-службазыни
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы