Алғыстас. Хакасия пазы Валентин Коновалов паза аның орынҷылары хурчағдағы Ленинградтың Хакасия чуртағҷыларын танығлығ кӱннең – Ленинград хурчаанаң саңай позыдылғанның 79-ҷы чылынаң – алғыстааннар

          Хакасия пазы: Хурчағдағы Ленинградтың арачылағҷылары паза чуртағҷылары алнында пазыбыс тӧбін тӱзірчебіс

          Совет войсколары 27 январьда 1944 чылда Невадағы городты 872 кӱн узараан нацисттернің хурчаанаң саңай позыдып алғаннар. Алынҷа паалағларҷа ыырҷының хурчаанда 600 муңнаң 1,5 миллионға теере кізі чуртазын пир салған. Ленинградты арачылааны тилекей тархынына совет чонының махачы тудынызының, матырының паза пазындырбас хылииның тании чіли кір парған.

          Хакасияның чуртағҷылары, ол сидік кӱннерде анда полып, iдӧк Ленинград хыринда нацисттерні унада сабарына хозым иткеннер. Пу кӱнге хурчағда полған 16 кізі республикада халған. Олар ол тустағы хорғыстығ киректернің киречілері полғаннар. Аймах тустарда ол олғаннарны хурчағдағы Ленинградтаң кӧзіргеннер, ол санда саблығ «Чуртас чолынҷа». Оларны прайзын сидік олған тузы, ӧзӧгіс, артиллерия атызы, чағыннарын чідіргені піріктірче.

          – Хурчағдағы матыр городтың арачылағҷылары, істенҷілері паза чуртағҷылары алнында пазыбыс тӧбін тӱзірчебіс! Илбек Ада чаада чуртастарын пир салғаннарға хумартхылас хаҷанға даа! – соцсетьтердегі позының страницаларында Хакасия пазы пас салған.