ӰЗӰРІГДЕ ӰГРЕДІГ СУРЫҒЛАРЫ
08.02.2023
Хабарлар
ТОҒАЗЫҒ. ХАКАСИЯ ПАЗЫ ВАЛЕНТИН КОНОВАЛОВ РОССИЯНЫҢ ПРОСВЕЩЕНИЕ МИНИСТРІНІҢ ПАСТАҒЫ ОРЫНҶЫЗЫ АЛЕКСАНДР БУГАЕВНЕҢ ТОҒАСХАН
Пу хабарнаң республика устағҷызы Москвазар тоғыс чорығы тузында телеграмм-каналында ӱлескен.
– Тоғазығда Хакасияның ӱгредіг системазын тилідерін, чуртағҷыларның патриотизмге ӱгредерін, чииттер политиказын чуртасха кирерін ӱзӱрібiскебіс, – искірген Хакасия пазы Валентин Коновалов. – Республика правительствозы ӱгредіг сферазына хорадығларны чыл сай ӧскірче. Че пістің алныбыста турчатхан хайзы пӧгіннер федеральнай хабазығны кирексіпчелер. Іди пӱдіріг материалларына паалар ӧс парғаны хоостыра пістің нинҷе-де ӱгредіг объектінің пӱдіриине хоза ахча киректелче. Анзынаң пасха, город тастындағы олған лагерьлерінде, хайзыларын хаҷанох чахсыландырарға кирек, тиксі тыхтағ тоғыстарын иртіреріне хабазығ киректелче.
Россияның просвещение министерствозы мин искірген чӧптерні ӱзӱрібізер паза оларны чуртасха кирерінҷе федеральнай синде пар оңдайларынаң хабазар.
Автор :
Тимнеен Альберт ТОЛМАШОВ
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде