Валентин Коновалов Россия президентiнiң айланызында аралазар
20.02.2023
Хабарлар
Хакасия пазы Валентин Коновалов тоғыс чорығынаң Москвазар парыбысхан. Таңда, азығ айының 21-ҷi кӱнiнде, ол Россия президентi Владимир Путиннiң Федеральнай Чыылыға чыл сай итчеткен айланызын искiрерiнде аралазар.
Хазна пазы Гостинай дворда чоох тудар. Хакасияда айланысты кӧнi палғалысча федеральнай каналларда 16.00 часта кӧрерге чарир. Пӱӱл ол 18-ҷiзiн иртер. Кибiрли айланысты искiрерiнде парламенттiң ӧӧркi паза алтынзархы палаталарының депутаттарынаң хада регионнар устағҷылары паза ӱлгӱнiң прай кӧстеглерiнiң кiзiлерi араласча.
Чоохтирға кирек, Конституцияа тудынып, президент Федеральнай Чыылығ алнында хазнадағы киректердеңер, аның iстiндегi паза тастындағы политиказының ӧӧн кӧстеглерiнеңер айланыснаң чыл сай чоох тутча.
Хакасия пазының тоғыс чорығы тузына аның тоғызын пастағы орынҷызы – аппарат устағҷызы Татьяна Курбатова толдырар.
Автор :
Наталья Сюптерекова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде