КЭФ’23: Арығ öрттерінең тоғыр - хада-пірге
01.03.2023
Хабарлар
Хызылчардағы экономика форумында Хакасияның ағас хонии министрі тоғызын толдырчатхан Олег Матвиенко паза Хызылчар крайының ағас хонии министрі Алексей Панов хада-пірге тоғынардаңар чöптезігде хол салыбысханнар.
- Піс алында даа Хызылчар крайының ағас хонии министерствозынаң хада-пірге тоғынғабыс. Чöптезіг кирек полған, пістің регионнарның пірге хырығлар пар. Хонӌых региондағы арығларда öрттернің тарапчатханынаңар хай син табырах пілербіс, ідöк аны тохтадарға техниканы паза кӱзібісті тимнеп поларбыс. Пістің алныбыста Россия президентінің арығларда öрттер санын хызырары турча. Аны толдырарға прай кӱзібіс саларбыс, - таныхтаан Олег Матвиенко.
- Пӱӱн піс улуғ арғызыбыснаң Хакасиянаң хада öрттерні ӱзерінӌе хада-пірге тоғынардаңар чöптезігде хол салыбысхабыс. Сынында піс тиксі сурығларӌа тоғыс апарчабыс. Чöптезіг піске сурығларны чапчаң пöгер оңдай пирче, ол, тізең, піске тайға-арығны хайраллирға полызар. Анзы уғаа танығлығ. Салтарында піс регионнарның хайызығларын уламох пиктепчебіс, - теен Алексей Панов.
Автор :
Наталья Сюптерекова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде